«Анжи» ккедикуне «Локомтивди»

Фото: www.sportsdaily.ru

Хулаъ дурхIай «Анжи» ккедикуне «Локомотивди», хье воротабуригI  Iу тупп гIачихьуне гебури. Ге Iудара туппарин эесибур хьуне: Фарфан 22 минутиъ, Смолов 80 минутиъ.

«Анжи» дурхIай уйи; Дюпин, Белоруков, Удалый, Гапон, Келашин, Кацаев, Гиголаев, Ондуа (Андреев, 83), Гайдаров (Иванченко,73), Закиров (Долгов, 77), Понсе,

«Локомотивдинттар»: Гилерис, Кверквалия, Чорлука, Хеведес, Игнатьев, Баринов, Ал.Миранчук ( Тугерев, 88), Ан.Миранчук(Идову, 83), Крыховяк, Смолов, Фарфан (Кварацхелия, 85).

Предупрежденибур: Гопон – 28. Ан. Миранчук — 29.Закиров — 70.

Судья: Николай Волошин (Смоленск). Ме иса садпе матч Каспийскдиъ хъучучIуне 10 пе мартин сеIет ярчIуйиъ, «Анжи» кьабул аркьай хьуне «Локомотив» Москвайиас.  Ттиан иса  хьеттаригI (джгьилар ппара хьуна  ая. Удигьгелай «Оренбургдихъай» дурхIай уйигуна Iу игрокин дебют хьуне Калошинра, Закиров, мегелайра игра хъучучIугъилди садпегелай дурхIас айчIуна уйи — Гайдар Шахбанов. Ме къа исан опортный полузащитникди фатуне дурхIай 73 минут, хабди духIуба акьуне Иванченкойис. Iудпе таймдиъ.

Хьеттарин тренер Магомед Адиев чарасуз хьуна уйи иттар акьуна аяттаринра, ме игра дурхIас давеяттаринра  яринди джигьилар аттдикуна. Гиштти идегуна полейира мукьар духIуба акьас  алчархьуне хьеттарис «Локомотивди» гъалибвел гъуланас кумак  акьуне удигьай «Анжихъас» дурхIай уйи Смолова. Хьес садпе тупп гIачихьагуна Смолова  Фарфаналди ккетуна гIачихIуне. Iудпе – уч Смолов сатти гIайчIуна ушуна гIачихьуне.

Счет 0:1 уйигуна «Анживас» вей уйи игра джурегъилди гьикас. Кацаевавас  вей уйи са тупп гIачихьас, амма  багухъас йирхIуна туппус самехь багуливас фаттушуне.

Хабдира  дири   дурхIай хьуне духIуба акьу Иванченко, гинра  цIакуна  киркьуне туппус. Хъара  пас кканди ая  хье вратарь Дюпинахъас, ги ацIуна кумак  акьуне алгъузуна туппар гIачидихьас. Хъуттурфучи Iудпе  тайм  дурхIубалди хьеттарис йис  верегъилди уйи. ДурхIас гIешкъра, диревелара агвар аркьай, гебури хьес Iудпе тупп гIачихьасттегьен, гебури агьал — хуппай  гIачихьас агъафсуман уйи.

Ккедикуне  агъай мехIелдис хъара играбур аме сасра командабурихъай. ДжумIе ягъа «Анжи» дурхIасе учин усаъ Самарайин Крылья Советовдихъай. Мебура хьин суман турнирный таблицайин  кIенаъ  аяттаре.

К.Мирзоев

Добавить комментарий

Ваш e-mail не будет опубликован. Обязательные поля помечены *