Агульский фольклор

Я игит хье солдатар

 

Завун хIадар чIукь ири

Тупарин гуллавурилас,

Ругар гъванар чIукь ири

Душмандин танкарилас.

 

Я гитлеран кьаре кьаст

Фур Iэшкьуни руцуни,

Я игит хье солдатар

Учра фишти хъикуни.

 

ЦIа керхьу рекет суман

Гитлеран иркIв буш хьуни,

Хав руцас ехI хъадавари

Уч училас тарг хьунай.

 

Агьа гьайра агьа гьай,

Фур рукьундуйва ягъар

Агьа гьайра агьа гьай

КьацIра хум хъадататтар.

 

        ДеIви ушу адад

 

Дарна бав кьина илгуна ае ятум

Ччиччи ухIуьна хIа акьунаае джагьил

ХIуькуматтил душман алчайигуни,

Яш дахьуна Iэшкъуни деIви ушуф

 

Зун деIвин уригь ария уп зе ччиччис

Украиндихъ рукьуна уй уп зе ччиччис

Къирагъилас ари тупуйин гулла

Джан ярхIуьнин хьунаа уп зе ччиччис

 

Зун деIвин уригь гьариа уп зе ччиччис

Зун кIина хIуьлигI гIа уп зе ччиччис

Я некьв дава я кафан давари зе Iуьмур,

Харьковдиъ ругъу джилил алдиуй уп зе ччиччис

 

КIилил алеф ккурц бармак ири уп ччиччис

Лекул алеф хахул чакма э уп ччиччис

Утуни хъаеф шинил э уп зе  ччиччис

Кителди вас ликIина кIидж ариуй уп зе ччиччис

Зе ахиран кидж э уп зе ччиччис

Я агвасе, я агвастава сад сайис.

Ве чу Шабаналас хил гъуше вун зе чи

ДеIви ушуна хав арес дахьушира

 

Фун чуркIари хайлин манзилари вагъари

Минавур кеттивари кьирагъ аркьари

ГъалибвгIал гъушугуни хьуни ппара шад

Хав дайиттар хьуни чулари бат.

 

Душмандивас азар хьу хIукуматт вас агундава

Дуьйил вахъ веф агъаф хьундава

Украиндин бендерари

Ттур кее таргъунра ве атундава.

 

Гасанов Шабан агъа ададас хъитIуттар Магомедова Патимат О. сел. Буркихан

Добавить комментарий

Ваш e-mail не будет опубликован. Обязательные поля помечены *