Москва шагьурдиъ рамазандин вазалан са-Iу ягъ кими маджлис хьуна уйи Агъуларинра Рутул районарин джемеIэтин. Гисаъди адес вей уйи гьинас кканхьучи. Акьуна уйи маджлис «Маидат » агъа ресторандиь. Мебури дахи завал верегъилди акьуна уйи хурубар, гъургъубар акьуна сивра гьартагъилди мисаъ димари. Мишттин маджлисар удигь исарира акьуна уйи Москвайиъ ае Агъуларин джемеIетис. Тегунара ме исара ме кар арайил аркьай  удигь кIил хьуна  аяф хье райондин имамарин советин хIаф АхIмад Гьарунов. Ме иса  гIай хьуне мебури акьуна ая маджлис Рутуларин джемеIэтра хъай. Гебурихъай уйи чиппин райондин имамарин советин хIафра. ГIалашуйвелди мебурилди адина уйи мич РД промышленносттин министр Юсуп Умевов, РД муфтин заместител Ахмад Кахаев. Мебури ахъакьуне рамазандин вазалан иджвеларихъас, сае вазарихъ хъуттурфуна акьу идже кардин дараджа ппара вереф. Хъара Ахмад Кахаева чугъсагъул агъа кIеджар дире, зурба инсанарис хье Iудара районарин, ватан кканхьуб ухIубан, дин тIеIет ухIубан, гIедатар ухIубан. Ме ягъа мишттин гьавайиъ гьатуне мебури сивар.