Гьер иса Iурд алттархьегуна муш киве хьид дахи хъучучIасе пуна, гъазеф дахи агъучIасе пуна, хьид ибгIаф хьугуна гIулра ирхи аргва. Хьес дагьараригI гIалттарис ппара лазим э ибгIа ягъар исаъ ппара хьуб. Фикир акьучи ппара загьматра, кьиматра ачаве Iурдиъ ачавес, Iурд алдихьас. Малдис IуькI ахъийина канве, угва кIур акьуна канве, ибгIа кан лек гъуйуна канве. Хьин дуламиш вей ая мукьуйиъ уга газ адава балунар дала давай, е гьуркIуна ттукар авейдава Iекулди ибгIа акьас, хье дарара кехIей аргвайду фидегьен бицIи кIур ичи агъучIаф.

Хье фикирариъ аве майдиъ ибгIа хьуна дуз гьате октябрдистегьен цIа даркьай плиткабур ахъидигьай хьасе пуна. Амма хьес аргва гьер иса майра кIирква июнра хъучучIа иджи ибгIавел авейдава, сентябрдиъ хъучучIасе цIабурар икIай, турбабуриас кумар агъихьас.  Ле тич акье гIулин ке куче хьуна ккане вахттуни бицIи  шинуьккдис ибгIа аркьаттар ахъьдихьуна джан Iуьччанасракегьей вейдава. Са Iу ягъа хъай - хъай угъал угъучи алтухъ рагъ адархьа хулариъ шагъвар архьа. Фикир акьучи хье  гьава читинде. кIилин исти гъузуна гIулихъ Iу ягъа ибгIа хьуна алттархьа гIулра, ме кьабахъ кIилин исра илгванде. Гьемиштти Iуьммура алтве аргвай даргвай, хуппай муьх тал ве фидегьен дахи  алтушуне пуна исара.