Кьанди Дагъусттандиъ угъу угъаларин хьеттари ппара зиянар зарар йиная инсанарис. Гьелбетта угъалар хье тIабиIетин шартIар э, ичира мишттин курари зиян ирцIанде инсанарихъ хъая дамазлугъдис мал- къарайис,чиркин ве мукьар хабди завал ве чирхIар. Мишттин курар бадил хьугуна мерттхьун акьуб, ухIуб асуллу э инсанарилас. хIа гьуларилас.

Гьеме суаларихъас мегIрака арайил акьуне Дагъусттандин тIабиIетин нуьгIматарин Министр Ратмир Расулова ведомствойин хIагьуларихъай. Ме совещанигI ишттарак акьуне Министрдин кумакчи Саният Билаловайи, РД-йин Народный Собранин депутат Хучбар Хучбарова, РД-йин «Чистая  страна» хъара «Единая Россия» агъа проектарин координатор Дайтбек Сайпова. Мебури чиппин багухъасра майил акьуне ме кар арайил акьубас. Угъаларилас хьудегьен чиркинвелар   чIукь хьунайчира амма бегьем  акьуна кканне курар  ппара ая. Хъара ппара четинди ая пластикайикес акьу шейъ завал хьуб. Ме кардис хIапай читинвел ая вахттунилди инсанар атуная мукьариъ.

Хьеттар ай файдина Iархьу бутылкабурин пусарин кьайдабурихъас. Ме кардин читинвелар час агуне  чин илдешарихъай зарар хьуная районариъ аларуцас ушугуна. Сифтта ме кардихъас час хабар йине журналистари. Зас ппара хIа чугъсаул пас кканде мебурис ме кардис фикир йибан. Чин ме кардис фикир йисе, ая читинвелдин суалра арайил акьасе пуне министрди. Республикайиъ са пай хIурариъ арайил акьас кканде ая пластика завал аркьа мукьар.

Завал хьу пластикайин бутылкабур гъасе цехариди переработкайис. Мишттин кардин кьадарарилди чиркин хьас атасттава хье къирагъ-буджагъар, хабди ме пластика цIае кIилиластти ишламиш акьас  хьасе.

Гасукаева Наиба