Россия джалла миллатар гIачахъу хIуькумат э. Мисан культурайигI, девлетигI гIадава пуна фикир акьас вейдава гьер чIалан китабар. 

Гьемиштти идехIела э 9-пе июльди хье хIуькуматин хIатти Владимир Путина буюрмиш акьуф правительствойис, кумак акье пуна хIуькуматин багухъасра гьер миллатарин чIалан китабар адихьас.

"Библиотека литературных шедевров народов России" агъа китаб адихьуб икьрар акьуная 8 - пе сентябрьдис День языков народов Российской Федерации агъа мегIрака аркьа ягъа, ме ягъ э хъара Расул Гамзатов ху ягъра. Гьеме идже багьана э Северный Кавказдин литературайихъас гъургъас, мебурин гIедатарихъасна чIалахъасра. Кавказдин халкьдихъ ппара хIа читин тарих хъая несиларилас алттинаф. Гьеме халкьдин зурбавелди э арайил акьунаф цIае северокавказский литература. Гьер са СКФО-йин субъектифас хьасе дамакъ акьас литературный произведенибур адихьу инсанарин ттурарил кIилди хIуькуматис багьа идеттарил.

Дагъусттандиъ джаллабурис ягIарвере джил э Расул Гамзатованф - шаир, мин яратмишар халкьдин садвелдихъас, учин ватан джаллабури ккан акьубахъас э.

Мин шиирар, сад лап ттур ая "Журавли" э, гьер джуре чIалалди тарджума акьуф, инсанвелдинра фикир ухIубан ишан хьуф. ГьакIанди дава Российин хIа джавиз - орден Святого апостола Андрея Первозванного агъаф Северный Кавказдиъ йине Iу шаирдис, Iудара хьуне Дагъусттандиас - Расул Гамзатовна Фазу Алиева.

Кабардино-Балкариъна Карачаево-Черкесиъ ттур ая Кайсын Кулиеван, Али Шогенцукован, Алим Кешокован, Исмаил Семенован хъара сасра литератораринра.

Мебури ликIи хатIари ахъаркьая инсанарин Iуьмурдихъас, ппара йиркIура дивуная хIуькуматиъ. Северный Осетин культурайиъ ппара ттур аяф хьуне Коста Хетагуров агъаф - осетинарин литература арайил акьу шаир. Чечняйина Ингушетиъ Ахмад Нажаев, Саид Бадуев, Идрис Базоркин, Ахмед Боков хъара сасра ттур ая инсанар чиппин ишан атуттар вайнахский халкьдин культурайиъ.

 Северокавказский литературайиъ мишттин лайикьлу джилар ппара ая. Мебур Российин гьер регионарин ттур ая инсанар суман, хIуькуматин девлет э. ИдехIела Северный Кавказдин миллатарин арайиъ Iуьрус чIала джаллабурин садвел аркьа гъургъагуна. Ме "Библиотеки литературных шедевров народов России" агъа китаб адихьубан фикирдилди ме э садпе Iама хIуькуматин садвелдин арабур ухIубан.

Ме э агвар акьуб фидегьен Российиъ кьимат айчин миллатарин культура ухIубас. Миштти идегуна хъара иджи э ме фикир арайил аркьуб гьеме Российин миллатарин садвелдин иса. Ушу вахттра йиркIуралас гьадатуна, гьалдин культурара авадан акьуб, ппара хIа кьуват э хье гьер миллатарин хIуькуматиъ. Ппара миллатар ая Российин хIекьдан гуджлувел э авалдин тарих ухIуна, гьалдин культура авадан акьас мугьлат йина, джалла сад хьуб. Сайи сайил йиркIв алиянас аттрукьуна, джаллабури хъай хIуьлматинра нуьхIубатин шавратIил хье кlилдибурин гIая хал иде хье зурба ватан гъурзар акьуб.

Батитай Габибулаева