Абдулмуслим Абдулмуслимова файшуне совещани РД-йин Правительствойин комиссихъай. Ме совещанил гъургъуне 2026-пе иса хьибу вазалан арайиъ республикайиъ хьу читинвеларихъас, арайил акьуная «Инфракструктура для жизни» агъа нацпроектихъас,рекъерин, ачухъвеларихъас хатIасузвел ухIуьбахъас, рукьан рекъерин ачухъвелар гъадивубахъас, хъара Хасавюртиъ, Дербентиъ, Махачкалайиъ цIае проектарилди аркьая хъуруцуна вере рекъерин ачухъвеларихъас хъара лазим иде суаларихъас. Гъургъуне ме исан сифтта кIилиас Дагъусттандиъ хьу 357 ДТП-бурихъас.
Премьер-министрди кIвал акьуне алттушу исан хIисабарихъ къуттурфуна рекъерин хатIабур вартт хьунайчира хатIабурилас кIибар чIукь хьуная 1,6%тин пуна. Миштти идегуна ме исан 1-пе апрельдис Дагъусттандиъ рекъерил хьуная 357 ДТП-бур, гьеме санарикес кIиттар хьун 61 инсан, 510 инсандис хьуная зиянар, мебур кидавай 52 ДТП-ийфас кIиная 3 шиникквар, йирхIунар хьуттар,иттар акьуттар хьуная 58 шиниккв.
«Улакьарилас вере хатIабурин санар вартт хьуная», — пуне Абдулмуслим Абдулмуслимова.
«Рекъерил хатIабур дахьас, кIибарин санар чIукь хьас, гъадивуна ккандея ачухъвелар улакь вере мукьар, ме кар бегьем хьас сад суман кар акьуна кканде идарабури, фикир йина кканде республикайин МВД-йин Госавтоинспекцин, гIилмина диндин идарабури аркьая маслихIетарис», — пуне Абдулмуслим Абдулмуслимова.
Хабди ме совещанил гъургъуне РД-йин МВД-йин Госавтоинспекцин хIаф Магомед Садиков. Ме кIвал акьуне республикайиъ арайил акьуна ккане фотовидеофиксацибур, рекъерил шулугъар хатIабур чукь акьас, улакьарин эессибурин дисциплина цIуппе хьас. РФ-дин Правительствойин цIайи адухьуная хIисабарилди, тIалабарилди, рекъерил гIаттивуная камерабур алилан мукьар. ЯгIайин ягъас СПО «Путина» агъа программайилди кар аркьая 777 фото-видеофиксацибури. Магомед Садикован чIаларилди ме исан садпе кварталдиъ автоматический фиксацибурилди мункивел хьуная фацуна хIел акьас рекъерил вере шулугъар. Миштти административный правонарушенибур аркьаттарис аттивуная 580 агъзур постанавленибур. Санар хIисабарилди 3 вазалан арайиъ 974 млн манат мебури кIилди ихьасе республикайн дорожный фондуниъ. Фондуниъ завал вере пул сад суман хардж акьасе рекъерин хатIсузвел ухIубас. Дагъусттандиъ ме кар къанунилди тастикь акьуная — пуне Абдулмуслим Абдулмуслимова ГИБДД-йин хIаттис. Гьеме Правительствойин комиссихъай файшу совещанил гъургъуне РД-йин МВД-йин Госавтоинспекцин хIаф Магомед Садиков улакьар лирхан куьчабурил але загьматарихъас.
«Республикайиъ рекъерил исалас иса ппара вея улакьарин санар, ме кар ке хIа багьана э хатIабурис. Федеральный рекъерил са пай мукьариъ са суткайин арайиъ 30-35 агъзурарихъди рукьа улакьарин санар» — пуне ГИБДД-йин хIатти. Мишттин читинвеларис рекъерил алтухъ полосабур алихьас арайил акьуна кканде проектар, вахттуни гьаттивуна ккандея ягъниш кея мукьар. Магомед Садикова кIвал акьуне республикайин рекъерин куьчабурин курарис ачухъвеларис ппара фикир ирцIандея, хъара ме кардис фарта пулун кумак. Мебурис ппара кумак аркьа республикайин Минтрансдин багухъасра.
Наиба Гасукаева
