2026-пе иса Дербент шагьурдиди 42% туристар адине. 

Дербент шагьур ке ппара туристар ади ус хьуне Дагъусттандиъ: ери вазалан арайиъ мич ади туристарин сан вартт хьуная 42% дегьен ушу исахъ хъуттурфуна, амма кIилди республикайиди ади туристарихъас вартт хьунаф 5% э. Ме кардихъас хабар акьуне "Коммерсантиъ".

Российский туристический рынокдиъ Дагъусттан цIуьппи гъузуная, амма республикайиъ ке ппара туристар вере мукь хьуная Дербент. 

"Туту" агъа сервисдин хIисабарилди ме исан январдихъас июльдисттегьен 42% вартт хьуная ме авалдин шагьур Дербентиди вере туристарин сан ушу исахъ хъуттурфуна. Махачкалайиди адиттарин сан вартт хьуная 3%, кIилди Дагъусттандиди адиттарин сан вартт хьуная 5 %.

Дербентиди ке ппара туристар веяф рукьан рекъуьн маршрутилди э. Аналитикарин хIисабарилди ке ппара мич туристар веяф Саратовдиас, Ростовдиас, Астрахандиас гуьна багухъ Каспийский хIуьлихъди багуйи ая шагьурариас.

Автобусариъ ай вереттар джурейи э: ке Iайи Дагъусттандихъай алакъа аяф Северный Кавказдин багухъас э.

Минводыбуриас Махачкалайиди вере рейсар вартт хьуная 2,7 дегьен, Владикавказдиас - 40 %, Нальчикдиас - 23%, Пятигорскдиас 11% дегьен. Махачкалайихъ хъуттурфуна Дербентиъ харджара вартт э. Дербентиди адеттари ке ппара хьучин аркьа Iу хьибу Iуьш, са ягъанди хал фацанастти агъа 19 агъзур манат, Махачкалайиъ туристар эркьва гьегидегьен ягъари мисаъ са ягъан хулан кьимат э 10,5 агъзур манат.

Батитай Габибулаева