Ме кардихъас хабар йине Республикайин премьер-министрди Магомед Рамазанова, кьанди хьу РФ-дин сур субъектариъ хатIа бурилас хьуная зарар гьаттивубан Правительствойин комиссин заседанил.

Ме заседанил гъургъуне, ме иса хьидана угъаларилас хьуная зарар гьадихьубан герек иде суаларихъас, зарар хьуная инсанарис кумак акьубахъас.

Инсанарин джигагьар арайил акьубал мебурис рукьуна ккане пулун хъайдабурил алгъузуб ая Дагъусттандин хIаттин Федор Щукинан.
ЯгIайин ягъас инсанарин гIерзабур ая 66,7% дегьен. Выплатабурис разивел йиная 1467 гIерзайис 1,1 млрд манатин.
 Ме курар вахттуни кIилди арайил акьуная. Мебур кидавай арайил акьуная цIае хулар акьас, е дахьучин гъушанас 300 сертификатар. ЦIае хулар гъадивубан гIерзабур ахттармиш акьуна арайил акьас фикирдиъ ая ноябрьдин ахирарис. Сагелан ирцIан пулун кумак арайил акьуная республикайин 94-кьу хизандис.

«Выплатабурин йи кьадар 3,8 миллиард манатилас вартт хьуная. ХIайи фикир йине мархал чIурху мукьариъ ая инсанар куьч акьубан суаларис. Хьидин хьеттари хIел читин акьуне ЧС-дигI гIачадархьу мукьариъра.
Чин ме архъас хIезурди ая хуларин кар федеральный ведомствойин реестрдихъай разивел фай арайил акьуна Российин Минстройдиди гIерза рекъуьъ ихьуне»,

- пуне Магомед Рамазанова, къара ме мегIракайил тIалаб акьуне архъас хIезурли ая хуларин хизанар куьч акьубан, мебурис лазим идее манатар ахъарукьас акьубан суалар тегIди хIел акьуб.

📋 Наиба Гасукаева