Республикайиъ ппара фикир йирцIандея сагъвел ада инсанарис, СВОйин ишттаркчибур, ятумарис. 

Мебурин ая четинвеларин, бегьем акьуна кканди ая курарин суаларис ппара майил аркьая Махачкала шагьурдин хIатти Джамбулат Салавова.

Махачкалайин администрациъ ме кардин рекъуьъ арайил аркьая курарихъас гьер хIефттайи хабар ирцIанде.

Дагъусттандин (ВОС) Всероссийское общество слепых агъа предприятин хIаттихъай гьучархьуне Махачкала шагьурдин хIаф Джамбулат Салавов. Гьучархьу мукьуйиъ мункинвел хьуне арайил акьас гъадивас производство савдайин шейэрин Махачкалайин социальный объектарис.

Ме кар арайил хьас Махачкалайин администраци кIвал акьуне цIае гIедат региондин ВОС-дин цехари арайил аркьая текстиль шагьурдин лазим дошкольный учрежденибурис. Гьеме кардихъай барамбарди Республикайин муниципалитет алгъузуная ВОС-дин объектарил цIае акьубан суаларис фикир ирцIанди. Гьелбетта ме кар арайил акьубан кьастт э (меркездин) столицайин мэр Джамбулат Салавована Дагъусттандин ВОС-дин хIаф Хавлатип Назиргаджиевахъай. Махачкала шагьурдин мэрди кIвал акьуне ягIайин ягъас ппара фикир ирцIанде пуна сагъвел ада инсанарин реабилитация акьубас, мебур кардик кихьубан суаларис.

 Ме кардис майил ая Республикайин хIаттин врио Федор Щукинан.

Хъара республикайин хIатти гьер профильный совещанил кIвал аркьа региондин промышленный предприятибурис майил акьуна ккане кьайдабурин лазимвелдихъас. Гьеме кардин рекъ ахттармиш акьуне Махачкалайин мэрдин заместитель Шагане Баймурзаева хъара шагьурдин ЖКХ-йин Управление социальной политикайин хIагьулари. Мебур кьабул аркьа идарайин замдиректор Ильяс Темирова.

ВОС-дин предприятие ая Махачкалайиъ Лаптиева агъа куьчайиъ мебурин администрацин идара ая Кадирова агъа куьчайиъ. Мисаъ хIапай кар аркьая уларин Iекв адаттарна Iекв чIукьди аяттар. Ме предприятий арайил аркьа герек шейэр ппара мебур: Ахунар лехIефар, постельный бельебур, сурсатарис ишламиш аркьа пластикайикес аркьа шейэрна, канцилярис лазим вере шейэр. Шагане Баймурзаеван чIаларилди мисаъ арайил аркьая текстиль ишламиш акьас хьасе хье шагьурдин детский садарис, канцилярин шейэр махьтабариъ. Ме предприятин производствойин бегьемвеларин кардин эесси хьасе уларин Iекв адаттарна Iекв чукьди ая касар, сагъвел адаттар. Мебурис хьасе чиппин ваджиб багайин ягъ акьас. ВОС предприятихъай муниципалитетари икьрар къитIубан суаларихъас гъургъуне ади хIагьулар.

Миштти мункинвел хьасе гъадивас предприятин производство. ЯгIайин ягъас ме предприятин идарабурин проектно-сметайин кIеджар хIезур аркьая къирагъар батIар акьас. Мисаъди вере инсанарис шинихIвелар ачухъвелар хьас.

Дагъусттандиъ ВОС-дин предприятин лазимвел хIа э кардин хIаттарис суман гьемисаъ кар аркьая сагъвел адава пешакурарисра. Ме мукь мишттин Iеджизвел ая инсанарис социальная адаптация хьас ке идже ус э.

2025-пе иса Джамбулат Салавован кьасттунилди батIар акьуне ме предприятис гъушуне гьалдин заманайин лазим иде шейэр. ВОС-дин предприятий арайил аркьая текстиль, хъитIуная икьрарилди ягIа-багагь гъасе дошкольный учрежденибуриди, хъара мебури хIезур аркьая махьтабарис лазим вере шейэр хурубарин вахттар хъучаверегунас.

Ме кар арайил хьубадала муниципалитетинра ме предприятин кардин алакъайи иджвел сурхьум инсанарин ахттигьарар ухlубанра Iуьмурдин шартIар алтухъ хасе.

Наиба Гасукаева