23-пе майди башламиш акьуне садпе экзамен. Ме ягъа шиникквари йине химия, литература хъара история.
Садпе экзаменар гъас Дагъусттандиъ хIезур акьуна уйи 55 экзаменар ирцIан пунктар(ППЭ), мебур кидавай 3 пункт хулади ушуна ирцIан усра дахъуная. Джалла кей гьеме ягъа 6150 инсан гIачихьуна уйи.
Мебурикес 4093 шиникквди ирцIанди уйи ЕГЭ химиас. Ме экзамен ирцIан шиниккварис ахттигьар уйи ишламиш акьас таблица Менделеева, калькулятор хъара сасра джуре таблицара. ЕГЭ литературайас ирцIанди уйи 207 выпускникди. Ме экзамендиъ мебурис ишламиш акьас ахтигьар уйи Iари орфографический словарилди. Джуре справочный материалар ахтигьар адава ишламиш акьас.
ЕГЭ историас ирцIанди уйи 1850 выпускникди.
Ме экзаменарин хье кьиматарин джувабар адесе 6 июньдилас хаб.
Мебурин хабар ахьасе Управлени образования агъа идарайиъ ера уч шиниккв хурай уйи махьтабиъ, хъара хъуттурфанас хьасе ЕГЭйин джуваб аве сайтуниъра.
Ме иса ЕГЭбур башламиш акьуне 23 майдилас 4 июлдистегьен. 16 пе июндилас 4 пе июлдистегьен резервный ягъар э.

Батитай Габибулаева