Садсара иджвелин кар арайил акьуная, хIа йиркIв ая — хье сенаторди Сулейман Керимова йиная гIуьфу агъзур путевка хаджин мусулман халкьдис, мебурикес са пай йисе Iари Дагъусттандин инсанарис.

Ме кардихъас инсанарис хабар йине джумIейин ягъа мазгитаъ Российин Муфтийди Шейх Равиль Гайнутдина. Хабди джалла мисаъ завал хьуная инсанари акьуне дуьгIе джалла хье халкьдисра, хъара джуре хIуькуматарисра учин иджвеларилди ягIа инсандихъас. Сулейманахъай чин гъургъугуна аттивуне маслихIет агъзуралас вартт путевкабур йис СВОйин иштаракчибурисна мебурин хизанарис. Са ппараттарис ме хаджиди ушугуна йиркIурас рехIет хьас, са ппараттарис багунттар кIинаттарис сабур йиссе, сасрабурис мункенвел э ме иджвелин багухъди курар арайил хьас. Зун буюрмиш акьуная герек иде кIеджар завал акьуна арайил акьас. Хьин ппара алучIуна кканде ме хадждиди Iайи цIиялди аяттар гьикас.

Ме инсанарин йиркIуран мурад и хаджиди вес, Сулейман Абусаидовичан кумакилди гьал мебур рукьасе мурадарихъди. Гьелбетта, ме гьалдисра акьудегьен иджвелин курарикес сад э. Ми кумак аркьа хъара больницабур, махьтабар, хъара джуре проектара арайил акьас. Ппара фикир ирцIанде ми шиниккварис кумак акьубас. Фи кар акьас башламиш акьучин мин багухъас кумак фудавай илгвандава. Мус хьичира ягъди багулив фая ме.

Сулейман, чугъсагъул вун аркьая иджвеларихъас, кумакарихъас, вун аркьая курарихъас Дагъусттандисра мисаъ яшамиш вея инсанарисра.

Луиза Гусукаева