25-пе февральди Дагъусттандин хIатти файшуне конференция «Россия моя история» агъа тарихдин (исторический) паркуниъ. Гьеме мегIракайил Сергей Меликов гъургъуне республикайиъ джемеIетин улакь авадан акьубахъас. Конференцил ишттарак акьуне спикерарин санаригI гIая РДйин Народный Собранин Председательди Заур Аскендерова, республикайин вице-премьерди Ризван Газимагомедова, Махачкалайин мэрди Юсуп Умавова, РДйин дорожно-хозяйственный транспортин заместительди Магомед Тагирова.
Хъара РДйин минтрансдин хIагьулари, ГИБДДйин, транспортный компанин, общественный СМИн хIагьулари, районарин муниципалитетин хIаттари. Мебурин санаригI гIай уйи Агъул райондин хIаф Каидов Закир Гусейновичра. Сифтта гьеме конференцил гъадивуне суалар джемеIетин улакь цIае акьубан проектарихъас, рекъерилхатIабур чукь акьубан эхIттиятвелдихъас рекъерин ая четинвелар маслихIатилди арайил акьубахъас.
«2024-пе иса Дагъусттандиъ арайил акьуная 46 км рекъ, 602 метри ирхвелин 5 мугIар, батIар акьуная 397км рекъ 13 мугIар 362 ирхевелинтар. Гьеме кар бегьем акьуб бадала ппара хIа чугъсаул пас кканде РДйин Минтрансдин пешакурарис»-пуне Дагъусттандин хIатти.
Хабди Сергей Меликов гъургъуне дагъусттандиъ ая шагьурариъарайил аркьая хъуруцуна вере рекъерихъас. Хасавюртиъ арайил акьас фикирдиъ ая 9 км рекъ, Дербентиъ башламиш акьуная рекъерин курар алттушу иса ноябрьдин вазала хъитIуная хIуькуматин икьрарилди. Махачкалайиъ гъванкIар багухъ рекъерин курар башламиш акьас фикирдиъ ая гьеме иса хIуькуматин экспертизайин разивелилди. «Дагъусттандиъ региональныйна федеральный рекъер аваданхьубалас асуллу э улакьарин бегьемвелара. МаслихIат акьуная хIеракатилди арайил акьас хъуруцуна вере федеральный рекъер Хасавюртиъ, Дербентиъ, Махачкалайиъ»-пуне Сергей Меликова. КIвал акьасе Дагъусттандиъ ягIайин ягъас ая 620 маршрут, мебурикес межрегиональный 103, межмуниципалитетинттар 373, хъара муниципалитетаринттар 144 маршрут. ХIисабарилди улакьар кIилди ая 3000.
Наибет Гасукаева