«Дагъусттандин мусульманарин Духовный управленин хIаттаринра диндин рекъуьн кIватIаларин чIал, фикир, ният сад хьубалас ппара асуллу э ягIа хье республиккайин садвелра», — пуне Сергей Меликова, РДйин хатIасузвелдин Советин заседанил. Ме мегIракайил хIел акьуна ккане суаларикес сад и республикайин хIагьулар джуре хIуькуматариъ диндин гIилми гъуршан ватанагьлибурихъай гъургъуб.
Ме кар ке лазим э джигьилар чIире рекъуьас душуб бадала.
Ислам диндин гIилми гъушубан рекъер ахттармиш акьуба агвар аркьа, хIа пай ягIар аркьаттарив фаве цIаку рекъ, джуре хIуькуматин гIилми хура идарабуриъ, е дахьучин интернет-ресурсариъ. Хъара читин э, чиппис ягIар хьуф кидавай, ватанилди адина мисаъ аяттара цIаку рекъди гъарегуна», — ахъакьуне Сергей Меликова.
Специальная военная операция хъучучIухаб Iайи алучIуная джуре хIуькуматарин нехIсар хье региондиъ диндин рекъер чIир акьас. Мич ке ппара гIачадивас алучIа джуре хIуькуматариъ диндин гIилми хуруттар.
Дагъусттандиъ ппара фикир ирцIанде мишттин курар дахьуб бадала, джемеIетихъай ахттилатар аркьа, алгъузуна аве халкьдин арайиъ къала — булух адархьас, мебури герек адава хатIабур дакьас, хъара хъучавес алучIа нагагь ахттилатарилди гучI гьихьаттари ме хатIа кардилди агвар дакьас.
Республикайин хIатти чугъсагъул пуне Дагъусттандин Муфтийдис, Муфтияти ме рекъуьас аркьая кар бадалди.
«Чин ягъди гъургъай аве хIуьлматлу Ахмад-хаджихъай ме суаларихъас. Iари зе чIаларис дава мисаъ майил джиркIенф, гьелбетта ми час ирцIан насихIетарис чинра майил йис алучIа. Диндинра светский сообществобурин хIа гьуларинра Дагъусттандин мусульманарин Духовный управленин садвел ягIайин ягъа ке хIа эхIттиб э хье сакинвелдин», — гIерз акьуне Сергей Меликова.
Ме суаларин лазимвелдилас асуллу ий экстремизмдинра терроризмдин идеологибурихъас хьин удигьттира ппара гъургъай авейи, гьалра давам аркьа. Амма ме кардин, ахттилатарин бина ккийина кканде гьер райоди, хIури, хула гьер са шиниккв бицIи амий — пуне Дагъусттандин хIатти Сергей Меликова.
Салихат Малагусейнова
