Ме кар бегьем хьас арайил акьуная градостроительствойин Координационный совет, хъара гъадивасе агломерацира. Ме кардихъас хабар йине Федор Щукина кьанди хьу совещанил.

ЯгIайин ягъас региондиъ ке читинди ая суалар э ппара мартабарин хулар гъадивуб. Ахттигьарарихъ, алгъузубарин къадагъабурихъ хъуттудурфанди гьертти чиппис кканегъилди гъадивая хулар.

Гьеме кардихъас иссарилди завал хьуная ватанагьлибурин суалар гьер ягъа унихьа гIерза. Инсанар гъузуная ме кардин маслехIет мус арайил хьасегьан агъай. Хъара читинди ая шагьурариъ ппара мартабарин хуларин лазим иде ахттигьарин кIеджар хъудай гъадивуб. Миштти джигагьариъ са кьадмивел, е ачухъвел адай яшамиш вея инсанар чиппин хизанар хъай. Ме кар дуз акьас арайил акьуна ккандея правовое поле.

Ме системайилди кардин бегьемвел хьасе аркьая кардин ахир кIил агуна инсанарин хъугъуб хъархьасе. ЯгIайин ягъас республикайиъ градостроительный законодательствойин ахттигьар фадай гъадиву ппара мартабарин хуларин санар реестердиъ хьуная 910 дегьен. Миштти идегуна читинвелар, шулугъар гьаттивас чин башламиш акьуная Махачкалайинра Хасавюртин гIуьфу хулан курар "Зеленая зона" агъа системайигI гIачихьас.

КIвал акьасе "Зеленая зона" э федеральная программа. Ме программайилди ахттармиш акьас мункинвел ая шагьурариъ гъадивая ппара мартабарин хулар лазим иде тIалабарилди айчин, реестрдин санаригI гIайчин. Ме программайин ая хъара "Желтая зона" агъаф.

«Застройшикари хIеракатилди гъадивуна ккандава хулар цIае джигагьариъ яшамиш вея инсанарис хьуна ккандеая кIилди курар бегьемди, къирагъар ачухъди, хьеттарин, Iекварин четинвелар адай махьтабар поликникабурихъди багулив фай. Гьалдихъас хаб чин алгъузасе хулар гъадивубан курарил мебурис ресурсар хъучарта идарабурил кIилди курар хьудегьен мертте хьуб джинин курар дахьас. Мишттин маслихIетар чин агвар акьасе пилотный площадкабурил. Хабди ме кардин таджрибавел ишламиш акьасе Дагъусттандиъ ме курар бегьем хьубан ая читинвелар гьаттивуб че ке хIа кьастт э - пуне Федор Щукина.

Наиба Гасукаева