Ппара мартабарин маслихIет хъидитIуна Iеквар угая хулар, ахттигьар фудавай акьунаттарихъай гъургъуне мегIракайил Дагъусттандин Первый вице-премьер Манвел Мажонц. СМИбуриъ ихьуная гьер джурайин ахттилатар региондин 597 хулаъ хъадихьасе пуна Iеквар: «Ме ахттилатин дузди гъавурдиъ архьуна кканде. Фикир акьучин, хIекьданди читинвелар ая, дехIела хъай кар аркьа илдешари аттивуне маслихIет хъадихьагъилди мишттин хуларис Iеквар. Сасра багухъас хьин джаллабур гъавурдиъ ая фишттин читин хIелдиъ ачархьуна айчин ме хулариъ яшамиш вея инсанар. Амма михIелдис хIекьдан арайил хьуна маслихIет аттиву ус адава. ДехIела ме кар бадалди дагъусттанагьлибурин йиркIвар сакин акьас кканди ая зас», — пуне Манвел Мажонца. Iеквар хъадихьубарихъас гъургъай, Манвел Мажонца пуне, хъадихьубаригI гIачархьа хуларихъас. Мебур акьуна амма инсанар яшамиш давереттар, хъара герек иде кIеджар хъудаваттар: «Инсанар яшамиш вея хуларин кIеджар дуз акьуна кканде. Хье вазифа э мебурис кумак акьуб. Мебурин къалат адава ламусуз инсанарил алчархьуна хулар гъушубан. Мебурис кумак акьуна кканде чаб ая хуларин кIеджар дуз акьас», — пуне ми. и.о. директорди «Россети — Северный Кавказ» филиалдин «Дагэнерго» Сергей Пашининан чIаларилди, арайил акьуная сан кIеджар хъудавай, балансиди гъудушуна инсанар яшамиш вей адава 46 читинвелар ая хуларис Iеквар хъадихьас. Ахттигьар адавай акьуная 5 хал гьаттивагъилди маслихIет аттивуная, хъара 49 хулан судебный решенибур ая. ме хулар михIелдис акьас башламиш акьунаттар дала дава, инсанара яшамиш вей адава.

Луиза Гусукаева