ПМЭФ-2025-тиъ кардин рекъуьас Алексей Миллерна РД-йин хIаф Сергей Меликов гьучархьуне.
Мисал пуне «Газпромди» региондин газоснабженин кар авадан акьуб бадалди хъихьуна аркьая кардихъас. Ме иса компанийи гъадивас хъучучIая Дахадаевскийна Кизлярский районарин къанна са хIуриди газ дивубан инфраструктурабур.
Ме кар аркьаяф газ ишламиш аркьай ая инсанарис ппара акьас, хъара цIайи газ кканеттарихъдира рукьас акьас «Газпромди» батIарди кар арайил аркьая (ГРС) «Маджалисдин» (Кайтагский район) хъара «Охранлар» (г. Махачкала). Удигьайра мишттин курар акьуна уйи Дагъусттандин къа ГРС-диъ.
Догазификацин программайилди гьавая газ рукьас акьуная 8,1 агъзур хизанарин хулахъди.
5 агъзуралас ппара хизанари газ хулариди ачадивуна ишламиш аркьая.
«Газпромдин» Группа алгъузуна Дагъусттандин газарин сетарин батIарвелар давам аркьая.
Ме курар акьубан кьастт э – региондиъ газ ишламиш аркьая инсанарин эхIттиб кьадмивелдихъ хъахьуб. Дагъусттандинра «Газпромдин» курарихъ хъая лазим иде рекъерин картара.
Петербургский международный экономический форум – 2025 вея 18-петтилас 21-пе июньдилдегьен. Ме форумдин ке лазим суал э «Общие ценности – основа роста в многополярном мире» агъаф.

Салихат Малагусейнова