Сергей Меликован советник Саид Маматхановна Дагъусттандин постпредин заместитель Табир Маликов ушуне СВОйиди, «Каспий» агъа батальондин эскерарис Дагъусттандин хIаттин ттуранихъас джавизар йис, хъара хIел акьуна ккане суаларис кумакра акьас.
«Зас, гьелбетта, ппара нуш э, зе кумакчибур ибгIа кабинетариъ эдекьуна хIуьлакди ая дженгуниди вес. Амма, Саидна Табир, хье ватан ухIа эскерарин кар сакинди ате! Мебурис чиппис кканди ахьасе «ибгIа саламар» гьикас чиппин миллатарис.
Магьа гьеме руьхIдин цIуппевелдира са фиттигьасра ул гьадававелди э хье халкьдин варттал сайифасра гъалибвел гъушанас давереф. Хье эскерари гьемидегьен читин шартIар айчира Рамазан дин вазалан сивара сад гIадартай ухIая. Чиппис арайил акьуная мисаъ кухня, хье миллатарин ямагара кехIей хIезур аркьа.
Дженгунин чуьлдил мебур Iари броньжилетарина каскабури дава ухIаф, хъара мебурин чиппин дузвелдихъ хъугъубна эхIттиб хъаявелдира э.
Зас ягIа хье майилдина фикирдира кьуват ирцIанде мебурис», — пуне Сергей Меликова.
Гьемисаъ джавизар йиттаригI гIая хье Агъул райондин Гъудагъарин хIуриас иде, ме «Каспий» агъа батальондин имам Мухаммад Раджабовра. Удигьай ме РДйин гуьна багулин Дагъусттандин Муфтиятин полпред ий. ЯгIайин ягъа Спецоперацин ишттаракчи э, хье игитарин далдара э.
Ме эскерарин йиркIв гъушуна гьава гъадива, Ватан ухIа эскерарис майил ирцIанде. Мин майилди, кумаки эскерарин рухI цIуппе аркьа. Мин чишнайи агвар аркьа фидегьен хIа кар ичин, читин вегIдайи ппара миллатар ая ватандис садвелна дусттвел.
2025пе исан марттин вазала «Каспий» батальондин имам Мухаммад Раджабовас йине «За проявленное мужество» агъа джавиз.
Хьин шад э хьехъ гьемишттин, мусс хьучира, нандиъ хьучира чиппин ватанагьлибурихъас йиркIв руцIа духовный лидерар хъахьубал.
Чун нехIсуниккес ухIурай! Чин гъузуна ая чвахъ, Гъалибвел фай сагъ — саламатилди адирай пуна!

Салихат Малагусейнова