Гьер иса 3 -пе сентябрьди хье хIуькуматиъ аркьа терроризмдихъай дженг дивубан садвелдин ягъ, ме ягъа Дагъусттандин Правительствойин Председатель Магомед Рамазанова алийине тукар МВД-йин пешакурарин гумбатил, чиппин кардин вазифа аркьа усал кIиттарин.  

Ме мегIрака хьуне Махачкала шагьурдиъ Ленинан ттур але майданил Аллея памяти агъа усаъ. Мисаъ завал хьуттари мебурихъас фикир ухIуне са минути буIуна гъузуна. Ме фикирдин ягъ бахш акьунаф э 3-пе сентябрьди Бесландиъ террористар гъамаз хьу ягъас. 1-пе сентябрьди махьтабин хIаягъан линейкайил Бесландин 1-пе махьтабил гъамаз хьуне террористар. Хьибу ягъди фацуна атуне шиникквар террористари, 3-пе сентябрьди махьтаб фацуне штурм акьуне.