Дагъусттан Республикайин Правительствойин Председатель Магомед Рамазанов джуьмIе ягъа, 24-пе июльди таниш хьуне Махачкала шагьурдин ГКУ РД  «Реабилитационный центр для детей и подростков с ограниченными возможностями» агъа идарайин кардихъай. Ме центр 120 койко-мукь аяф э. Мисаъ социально-медицинский хъара психолого-педагогический кумак аркьа сурхьум шиниккварис, ограниченный возможностар аяттарис, центральная нервная, костно-мышечная системабурин итталар ая шиниккварисра.

Премьер-министрдис ме идарайин директор Габибулла Салихова ахъакьугъилди гьер ягъа мисаъ реабилитация аркьа гIуьфцIуралас ерчIцIурарихъди рукьуна итта шиникварин, шиникквдихъай ахьуна кканве е дад, е баб. Шиникквара ве мич Республикайин гьер шагьурариас, районариас, хIурариас.

Гьемиштти, 2026-пе исан садпе пайуниъ ме центрдиъ реабилитация акьуная 573 шиникквдин. Мебурис социальный услугабура акьуная 108 241.

ЯIанин курсунин давамлувел э 21 ягъ, гьер сад, хьибуд е дахьучин ерхьи ваз гIартай. Магомед Рамазанова хъуттурфуне идарайин гIанарин куьчабурин манзиларихъра, таниш хьуне социально-медицинская реабилитацин отделенибурин кардихъайра, «ЛЕКСО» ая кабинетин, ЛФК  залдин иде дава курарихъайра таниш хьуне.

Хъара кьимат йине идарайин материально-технический хъучуркьувелдисра. Дагъусттандин загьматинра социальный аваданвелдин министрдин врио, Магомедзагид Кихасурова хабар акьугъилди, «Формирование системы комплексной реабилитации и абилитации инвалидов в Республике Дагестан» агъа подпрограммайин рамкабуриъ ай 2025-2026 исари центрди гъушуная багьайин реабилитационный деликар 27 миллион манатилас вартт пулун.

Мебур кидавай, 2026-пе исан июльдин вазала республиканский бюджетин пуларилди гъушуная роботизированный ортез Tyromotion LEXO, кьимат э мин 39,5 миллион манат. Ме хIисаб аркьа, роботизированной механотерапийин ке эффективный задарикес сад. Кумак аркьа ме аруцас давере шиникквар лекул гъадивас, ЦНС-дин шулугъар аяттарис, пуне Кихасурова. «Роботизированный комплекс ишламиш акьуба мугьлат йисе дахи арайил акьас аруцубан читинвелар ая шиникквар сагъ акьуб. Гьер ягъа гьеме оборудованин кумак ве ОВЗ ая йицIу шиникквдис», - пуне министрдин вриойи. Правительствойин Председательди хъара кьимат йине идарайиъ арайил аркьаz крытый бассейн акьубан кардисра. Ме бассейнди мугьлат йисе ОВЗ ая шиниккварис аркьая кумак алтухъ акьас, мисаъ кьабул аркьа шиниккварин сан вартт акьас. Ахттармишарихъай барамбарди Магомед Рамазанов гъургъуне мисаъ ая шиниккварихъайна мебурин бабар – дадарихъайра. Хабарар гъушуне мебурин читинвеларин суаларихъасра. Дадар – бабари тIалаб акьуне ме идарайин гIанар куьчабур авадан акьуб. Ме тIалабламайисра джуваб йине Магомед Рамазанова, мукьул вахттуни арайил акьасе пуна.   Салихат Малагусейнова