2027-пе исас садпегелай адихьуная са нубати ирцIан выплата 150 агъзур манат джигьил мегIелимарис йисе пуна. 

Ме кардихъас йиркIурал акьуне Федор Щукина августовский совещанил. Мин чIаларилди исалас иса вартт хьуная иджи хура шиниккварин сан хье республикайиъ.

Магьа ме исара ЕГЭ-йин экзаменариас 100 балл хьуная Дагъусттандин 57 шиникквдис. Региондин хIаттин вриойи пуне хъара идже кьиматар хьас шагьурдиъ хIуриъ дагъай батIарди алучIуна кканде шиниккварил. Зе фикирарилди ме кар ппара асуллу э мегIелимариласра. ИдехIела мегIелимаринра кардис ппара фикир йина кканде. Гьеме кар бадалди 2027-пе иса адихьасе кумакин кьайдабур мегIелимарис.

«Джигьил мегIелимарис йисе са нубати ирцIан выплата 150 агъзур манат», - пуне Дагъусттандин хIаттин вриойи.

Ме кидавай, «Земский учитель» агъа программайилди махьтабариди гьикасе 30 мегIелим, мебурис йисе са-са миллион манатра. Августовский совещанил Федор Щукина гъадивуне целевой обученин суалра Дагъусттандин хIаттин вриойин чIаларилди са выплатабурилди бегьем акьас хьасттава мегIелимвелди кар акьас адибан суал. Ми буюрмиш акьуне батIарди хъучушуб целевой обученин система ишламиш акьубахъра: махьтаб – институт – джигьил специалист – кар аркьа мукь.

 Хъара Федор Щукина тIалаб акьуне институтарин хIаттарикес, пешакурар гIачихьагъилди профориентацигIра.

«Хьехъ хъая гьалдин предприятибур, гIилмин идарабур. Махьтабариъ хура шиниккварис аргвай кканде мебури аркьа кар, хабдис чиппис ягIархьас фи кардигIди гIачавейчин найич хурас вейчин», - пуне Федор Щукина.