РД-йин печатинра информацин Агентствойин хIаттин садпе заместительди Рустам Джалакова, Дагинформдин хIаттин, Арсен Юсупован ттуранихъас салам йина мегIрака хъучучIуне. Мубарак акьуне редакцис, юнкорарис шиникквар ухIубан Ягъ.
Гъургъуб давам аркьай Рустам Муратовича ахъакьуне мишттин мегIракабури шиниккварин йиркIвариъ кьастт икIуна, кар кканхьуна, журналистарин сообщестаойигIди гIачавесра Iешкъ аркьафе агъа ахттилатарин хIекьвелдихъас.
«Хьин гьалдин хабра гьемиштти гIачадивас алучIасе мебур хабарарин макъалабурин дуьйигIди, газитарин очеркаригIди. Ме кардин рекъуьъ ппара кумак хьасе джигьил корреспондентарин ишттараквел, республикайин прессконференцибуригI. Ме кьимат адавадегьен таджриба э медиапространствойин хабдин лидерар арайил хьуб бадала», — пуне ме.
Хъара Рустам Джалакова ме мегIракайил йине джавизар, чиппин зурбавел агвар акьу джигьил журналисттарис. Чугъсагъул пуне мебури махьтабинра, шиниккваринра прессайин аваданвелдигI кьут гIачихьуна аркьая кумакихъас.

Салихат Малагусейнова