Дагъусттандин Правительствойин Председатель Абдулмуслим Абдулмуслимов, Дагъусттандин Минздравдин коллегияйин заседанин рамкабуриъ ай сагъламвелдин рекъуьас ке лазим иде сур суаларихъас гъургъуне. Ме мегIракайигI ишттарак акьуне хIуькуматин духттурханабурин хIаттарира. Ке лазим иде суаларикес сад э пуна премьер министрди агвар акьуне СВОйин ишттаракчибурисна гебурин хизанарис герек иде кумакар акьуб. Гьер са духттурханайин главврачив фай кканде спецоперацин ишттаракчибурин реестр, учин шагьурдин, райондин участокдихъ хъитIуттарин. Учин ахттилатаригIди гIачихьуна гъургъуне премьер-министр джаллабурис лазим иде суаларихъасра. Мебур э духттурар джемеIетин сагъламвелдихъ батIарди хъучушубанттар. Халкьдин багулихъас ппара аве гIерзабур ме кардин рекъуьас: ул йирхIайдава, иджи хъучавейдава, герек идее дарман, ккане вахттуни джиркIейдава, больницайихъ хъайчира ирцIандава агъаттар. Ме кьацIра идже кар дава, хьасра, ме кар бадалди бюджетиас батIарди пул хъучарта вегIдайи сагъламведин рекъуьди. Суалар бадил ве хIуькуматинттар дава духттурханабурихъдира.
«Заварилас алашаб, див хьин аруцас джиларил. ХIуьлматлу ватанагьлибур, багьа иде дагъусттандин духттурар, духттурвелдин джуре пешакурар, див хьин ке удигьай хъучушуна алучIас дагъусттанагьлибурин сагъвелдил. Хабди фикир акьасе гьертти учихъас. Хьин халкь акьутти чвас ликIиная ризкь чун фишттира къазамиш акьасе. Див хьин гьеме къазамишар дуз рекъуьас акьас, инсанарин сагъвелдин кьиматилди дакьас. Гьер са духттурди учин, учин багу — кIиларин сагъламвелдихъас суман фикир акьуна кканде учил алчархьу итта инсандихъасра. Фас пучин чара даккан инсан духттурханайиди адесттава. Зе хъугъуб хъая чвас гьеме зун акьу ахттилатар унихьуне пуна. Унихьуф суман ме ахттилатарихъ хъучавесра хъучушучин ппара идже хьасе. «, — пуне Дагъусттандин Правительсттвойин Председательди.

Салихат Малагусейнова