18-пу февральди хьу гIилмис бахш акьу «Россия» агъа выставкайин мегIракайил гъургъуне Дагъусттандин хIаф. Мисаъ иштараквел акьуне хье хIуькуматин вице-премьер Татьяна Голикова, министр просвещения Сергей Кравцов, хъара регионарин хIаттарира. Мисаъ гъадивуне мегIелимдин пешайин суалара. «Хье хIуькуматиъ гьеме четин вахттуни тарбия, ватанперасвел фидегьен лазимди, багьа ичин хьес аргвая. Кьанди хьу са мегIракайил хIуькуматин хIатти кIвал акьуне Отто Фон Бисмарк агъа Пруссин канцлерди. Ти пуф э «ДегIвибуриъ гъалибвел гъуршанф махьтабин мегIелимари э». ЯгIайин ягъас ппара хье джигьилар СВОйиъ ая зурбадалди ватан ухIай. Мебурин ватанперасвелдин, джувабдарвелдин, пешакарвелдин бина э бицIи ами махьтабиъ мебурис йи тарбия. Гьеме кардилас, вардиш акьубан кьайдайилас асуллу э хье аскерари ягIайин ягъа джувабдарвелилди, ватандин удигь бурдж бегьем акьуб. Гьелбетта, ме мегIракайил пудегьенттар ппара лазим чIалар э. ГIилми ягIар акьубан, тарбия йибан арайиъ нуьхIуьбат — хIуьлмат ихьубан кьайдабура. Ме кар лап хIа кумак э хье джигьиларин игитвелдис, зурбавелдис, мебури гъалибвел гъушубан рекъуьъра. Хье гъалибвел хьасттава пуна са фикира адава. Лап хIа чугъсагъул хьурай Гъалибвел гъушубан рекъуьъ са чIалун дехIера кумак гIачихьудегьенттарис!»- пуне Сергей Меликова.
Наибет Гасукаева