Гьеме хIефттайин иттни ягъа хьу садпе заседанил республикайин хIатти Сергей Меликова гъадивуне джилар ишламиш акьубан суалар. Сифтта гъургъуне республикайиъ ая джилар дузвелилди муфеIетилди арайил акьубан къанунарин духIубавеларихъас.
«Дагъусттандиъ ягIайин ягъас ппара джилар ая ишламиш даркьай муфеIетсузди фадихьунаттар. Ме кар вахттуни арайл акьас чин алгъузуная, амма гьер са джилин къайгъу акьас вахтт кканди аве. Миштти идегуна мисаъ лазимвел ая джилин къанунанарин гIедатарин духIубавел акьуб», — пуне Сергей Меликова.
Ахттармиш акьуна кканде муниципалитетарин гъиликк ккея джилар. Гьаттивуна кканде шулугъар, джилар муфеIетсузди дахьас. Сергей Меликован ахттилатарилди джилар ишламиш акьубан кар ке удигь хьуна кканде. Хабди гъургъуне Дагъусттандин керачивелди джилар йибахъас, мебур дузди ишламиш акьубахъас. Ахттармишарилди керачивелдин икьрар хъитIубан шулугъар хIапай ая муниципалитетариъ. Ме кар ахттигьар аягъилди, сад суман арайил хьас, Минимуществойин хIатти Заур Эминова гьикуная керачивелдин икьрарин кIеджар профильный министерствойиди.
Гьеме иса 1-пе мартти хIуькуматиъ духIуба акьуная джилар ишламиш акьубан къанунар. Хьибу исан арайиъ ахттигьар йиная ишламиш акьас джил. Ме кар хIел акьубан къайдабур ахттармиш акьас мункинвел йиная алгъузуная идарабурис. РДйин Росреестрдин Управленин хIатти Арсен Пирмагомедова гьучихьуне керачивелди икьрарарихъ джуре соглашенибура хъучихьуб. Мебурик батIарди ликIина агвар акьуна ахьасе икьрарин Iудар багварин джил ишламиш аркьа вегIдайи акьуна кканне курар.
» Хьехъ хъай кканде гьеме дополнительный соглошенин кьайда. Ме кьайдайик агвар акьуна кканде хIурин мегIишатин джилар, шагьурарин агломерацибур, туристарин объектар. Нагагь керачивелди джил гъушу инсанди допсоглашение хъитIанас ккандава пучин ме кардигI гIачучIуна кканде къанун ухIа идарабур. Ме ахттилатар хьин ахттармиш акьуна кканде кардил, хьес агуна кканде ме кар фиштти кIили вейчин», — тайрикь акьуне региондин хIатти.
Гьемисал гьучихьудегьен ахттилатарихъ хъучавесе Правительственная комиссин пешакурар, лазим иде идарабура хъай мукьул вахттари, хабди герек иде суалар хIел акьасе.
Наибет Гасукаева
