Ме кар бадала Махачкалайиъ Русский драмтеатрдиъ хьуне хIа мегIрака, гьемисаъ джаллабурис хабар акьуне Абдулмуслим Абдулмуслимова Ватан ухIа Игитарин ис дахъуне пуна. Ме мегIракаил завал хьуна уйи военнослужащибур, афганцыбур, ветеранар, СВОйиъ ишттарак акьуна кIи эскерарин шиникквар хъай хизанар. Ме театрдин джигагьиъ мич ади гIуларис хIезур акьуна уйи выставка, мисаъ агвар акьуне дагъусттанагьли художникари йирхIу ишкилар, дегIвин вахттаринтар, СВОйиъ ишттарак акьуна кIи Игитаринттар, хъара «Уголь Донбасса» агъа выставкайин ишкилара. Ке цIайи ме мегIрака башламиш акьуне хье хIуькуматин хIаттин Владимир Путинан трансляцилас, мисаъ ме пуне 2025 ис — Ватан ухIа игитарин ис э пуна. Сергей Меликован ттуранихъас ра хъара республикайин вакиларин ттуранихъас Абдулмуслим Абдулмуслимова мубарак акьуне джалла мегIракайил завал хьуттарис Ватан ухIа Игитарин ягъра.
«23 февральди хьин баркаллагь агъа гъилив яракьра фай ватандин сакинвел ухIу эскерарис, хIуькуматин джиларна, дазубур ухIуттарис. Гьеме ягъ э — хIаягъ хIекьдан ватанперасвел хъая эскерарин, зурбадалди цIуьппи гъузуна Ватан ухIай гъузуттарин», — пуне Абдулмуслим Абдулмуслимова, гьалдихъас хабра хьин фикир ухIасе хье ВОВдин ишттаракчибурихъасра, хье Iуьмур бадала чиппин джандифас хьуттарихъас. Хъара мич ади гIуларис хIезур акьуна уйи концертра, акьуне гьер джурейин мегIнибур бахш акьуттар дегIвин вахттарис.
Батитай Габибулаева