12-пе ноябрьди Махачкалайин «Россия моя история» агъа Тарихдин паркуниъ Дагъусттандин региондин Союз журналистов Российин (ДРО СЖР) 65 — ис хьубан юбилейдис бахш акьу мегIрака хьуне. Салам йина ишттаракчибурин удигь гъургъас хъучучIуне Дагъусттан Республикайин печатинра информацин Агентствойин хIаф Абдуразак Джамалдинович, ДРО СЖРдин председатель, «Лезги газетин» редактор Магамед Ибрагимов, Российин журналистарин Союздин курарин управляющий — Российин журналистарин Союздин секретариатдин кIил Денис Токарский, Махачкала шагьурдин администрацин главайин заместитель Мавлидин Маликов, РДйин Халкьдин Собранин депутат Шамиль Омаров, РДйин Росреестрдин Управленин хIаф Арсен Пирмагомедов, РДйин цифровой аваданвелдин министр Юрий Гамзатовра. Уч гъургъа вегIдайи Магомед Ибрагимова батIарди ахъакьуне региондин отделенин кардихъас, творческий организацибури арайил аркьая проектарихъас, ме отделенин удигь гьаядегьен хIел акьуна кканедегьен суаларихъас. ДРО СЖРдин председательди хъара ахъакьуне региондин отделенин тIалабихъас. Мебурин пешакурар чиппин тIалаблама фай гьучушуне Махачкалайин администрациди. ТIалаблама фи э пучин, ме ий госпрограммайин рамккабурилди батIар аркьая Дом печатин удигь гьая сквердис, Аллея журналистов пуна ттур йиб. Хъара ме отделенин хIатти кIеджук тIалаб акьуна уй столицайин администрацикес ме Аллеяйиъ ая гьерттин ттуранихъ хъая кIурара, Времена года агъа куьчайихъди хъая чапара аягъилди ате пуна. Хъара информационный стендра акье пуне мисаъ кIидегьен журналисттарихъас ликIина, мебурихъас фикир абада ухIагъилди. Аллейин манзилил акьуна кканде пуне газетножурнальный комплексра. «Ппара муш кея шагьурдин администрация, Юсуп Джанбекович Умавов кIилиъ ай, йиркIв фай хъучушуна ме тIа лабламабурис майл йисе пуна», — пуне Магомед Ибрагимова.
Гьаме шадвелдин мегIракайин рамкабуриъ ай файшуне иджи кар акьу журналисттарис джавизар ирцIан церемонияра. Дагъусттан Республикайин информацинра печатин Агентствойин Почетная грамота йине «Голос Степи» агъа республиканский газитин главный редактор Кожаева Эльмира Юнусовнайис, «Заслуженный журналист Республики Дагестан» агъа почетное звание йине «Нур» агъа республиканский газитин главный редактор Абдуллаев Байрам Сафаровичас. «Заслуженный работник культуры Республики Дагестан» агъа почетное звание йине «Дагестан» агъа республиканский журналин редактор Гаджиев Марат Алиловичас. Российин журналистарин Союзди къайилас вартт дагъусттандин журналистарис йине джавизар, грамотабур, дипломар: «Честь. Достоинство. Профессионализм» агъа медаль йине: ГБУ РД РГВК «Дагестандин» генеральный директор — Гамзатова Камила Султанахмедовнайис; Радио «Ватандин» главный редактор — Гусейнов Джалал Меджидовичас; «За заслуги» агъа медаль йине: ГБУ РД РГВК «Дагестандин» генеральный директордин заместитель — Гусенова Айшат Гусеновнайис; ГБУ РД Этномедиахолдинг «Дагестандин» хIаф — Юсупов Арсен Газимагомедовичас; «За храбрость» агъа медаль йине: СЖРдин премин лауреат, журналист — Абдулгамидов Аликбер Абдулгамидовичас; «Спутниковое телевидение Дагестана» ГБУ РД РГВК «Дагестан» агъа телеканалдин главный редактор — Курамагомедова Зарипат Яхьяевнайис; ГБУ РД РГВК «Дагестан» агъа редакцин отделин начальник — Кулиев Гусен Магомедрасуловичас; «За помощь людям» агъа медаль йине: «Наше национальное телевидение» агъа телеканалин новостной отделин шеф-редактор — Нурмагомедов Гамзат Нурмагомедовичас; ГАУ РД «РРГ «Дагестанская правдайин» корреспондент — Сулейманов Абдула Рапаниевичас; «Ветеран журналистики» агъа медаль йине: ГАУ РД «РРГ «Дагестанская правдайин» корреспондент — Тыщенко Эмма Андреевнайис; ГБУ РД Этномедиахолдинг «Дагестандин» «Нур» газитин джувабдар секретарь — Шамхалов Камиль Нуруллаховичас; «За заслуги перед профессиональным сообществом» агъа почетный знак йине: Дагъусттан Республикайин ППК «Роскадастрдин» филиалдин пресссекретарь — Эседов Альберт Абдурахмановичас; Честь. Достоинство. Профессионализм» агъа почетный знак йине: «Нийсо-Дагестан» агъа республиканский газитин главный редактор — Якиев Умар Абдулнасировичас; Российин журналистарин Союздин почетная граматабур йине: РДйин Халкьдин Собранин депутат — Омаров Шамиль Гасбуллаевичас; РДйин общественный деятель — Мамедяров Гюлоглан Садединовичас; «Голос степи» агъа республиканский газитин джувабдар секретарь — Уразаева Любовь Ибрагимовнайис; «Лезги газет» агъа республиканский газитин главный редактордин заместитель — Ферзалиев Куругли Низамиевичас; Российин журналистарин Союздин дипломар йине: Дербент шагьурдин общественный деятель, публицист — Алибеков Адиширин Алибековичас; «Илчи» агъа республиканский газитин корректор — Ахмедова Аминат Ибрагимхалиловнайис; «Зори Табасарана» агъа республиканский газитин дизайнер — младший редактор — Багдаева Эльмира Шахбановнайис; «Вести Агула» агъа республиканский газитин корреспондент — Манафов Абдурахман Джалиловичас; «Истина» агъа республиканский газитин корреспондент — Махатов Магомедхабиб Магомедовичас. «За поддержку прессы» агъа медаль гьеме мегIракайин рамкабуриъ ай йине ДРО СЖРйин ревизионный комиссин председатель, меценат, общественный деятель Мурад Магомедкеримовас.
Дагъусттандин халкьдин назумчи, «Гомер ХХ века» иде Сулейман Стальскийдин 155-ис хьубас бахш акьу короткометражный документальный кинобурин конкурсдин лауреатарис джавизар фачийине РДйин НСнин депутат Шамиль Омарова. КIвал акьасе ме конкурс арайил акьуф РДйин НСнин депутат Шамиль Гасбулаевич Омарован майилра фай Российин журналистарин Союздин, Дагъусттандин региондин отделенин пешакурари э. Пулун премия 50 агъзур манатра I степеньдин дипломра йине ГБУ РД «Этномедиахолдинг «Дагестандин» «Замана» агъа газитин корреспондент — Чубанова Эльза Рашидовнайис, 30 агъзур манатра II степеньдин дипломра йине «Поэт из народа — закаленный как сталь» агъа кинойин авторский коллективдис, 20 агъзур манатра III степеньдин дипломра йине МБУ «Информагентство МР «Сулейман-Стальский район» агъа телеканалдин хIаттин заместитель, муниципальный телевиденин главный редактор — Небиева Эльвира Абдурашидовнайис. Хъара РДйин цифровой аваданвелдин министр Юрий Гамзатова джавизар йине II Каспийскдин халкьарин цифровой форум — 2024 арайил акьас майл йиттарис. РДйин цифровой аваданвелдин Министерствойин чугъсагъуларин кIеджар йине республикайин редакцибурис, изданибурис, телеканаларис. Хабди мегIрака давам акьуне концертин программайи. МегIракайин ишттаракчибурис чиппин гьунарар агвар акьуне Б.Мурадовайин ттуранихъ хъая Дагъусттандин культурайинра искусствойин колледжин «Молодость гор» агъа ансамбльдин хореографический коллективди. Дагъусттандин хIуькуматин филармонин солист Абдул Мурадова «Флаг моего государства» агъа мегIни акьуне. Дагъусттандин хIуькуматин филармонин солистка Мирай Тахминайи «Возвращайтесь» агъа мегIни акьуне. «Путь к успеху» (с. Чиркей, Буйнакский район) детский центр психологической помощи агъа усан бицIиттари «Один — лишь капля, все мы — океан» агъа сценка агвар акьуне. Ме сценкара бахш акьунаф и Дагъусттандин халкьдин шаир Сулейман Стальскийдис.
Салихат Малагусейнова
