“Исан вахттарикес гIул ке ухьтан вегIда э. Гьелбетта джалабур гъузуна аве кьарар ккедай ме ибгIа вахттунихъ.
Июньдин 1-пе ягъа хье кIилди дуньяйиъ э гьер миллатарин шиниккварин хIаягъ, хъара ме ягъа хъучучIа каникулар махьтабариъ хурая шиниккварин.
Гьелбетта ягIайин ягъас хье хIуькуматиъ кIилди мукьариъ яшамиш вея шиниккварин Iумурдин шартIар кканегъилди адава.
Новороссийин пограничный областиъ яшамиш вея шиниккварис чиппин бицIи Iуьмурдиъ е са ачухъвел е са ягъан шадвел дагуна хIа вея неонацисттарин гIезабарикк.
Миштти идегуна Российяйин сасра регионарихъай барамбарди Дагъусттандира гъил учихьая Новороссийский областиъ дуламиш вея шиниккварис махьтабариъ хурубар йис, гIулана лагерариди гьикас чиппис рехIет акьас джандин сагъвел ухIас.
Мишттин майил Дагъусттандин багухъас хьасе гьалдихъас хабра.
Республикайиъ шиниккварин Iуьмурдин шартIар гъадивас гьер иса арайил аркьая детский садар, аркьая гьалдин заманйин махьтабар мехIкамди хурубар йис, алтухъ аркьая спортивный секцибур, шинихI аркьая шиниккварин рехIет аркьа мукьар. ХIуькуматиъ алтухъ аркьая господдержкайин шартIар шиникквар хъая хизанарис четинвелар дахьас. КIилди ме курар арайил хьас фикир йина кканди ая хIаттари. Республикайиъ яшамиш вея шиниккварис пас кканде, гIулин каникулар алттушурай йиркIурас кканегъилди ачухъди, шадти, хайир кей, алтухъ хьурай чве илдешар, Iекьул фаттар хьурай чун, агалкьунар ппара хьурай.
Мубарак хьурай чвас шиниккварис чиппин хIаягъ!”, — пуне Сергей Меликова.

Наибет Гасукаева