Дагъусттандиъ ачмиш акьуне Iуд цIае махьтабар
Кьанди Хасавюртовский райондин Адильотарна Цияб-Цилитли агъа хIурариъ ачмиш акьуне Iуд цIае махьтабар. Ме мегIракайигI ишттарак акьуне республикайин хIаттин врио Федор Щукина.
КIвал акьасе хье региондис ппара зарар йине хьидана угъаларин хьеттари. Зарар хьуне инсанарин мукьарис, джигагьарис, хуларис, идарабурис.
Ая мукьар йагIайин ягъас арайил дахьуна аметтара. Санарилди Дагъусттандиъ хьидин угъалари зиян йине 130 гIилмин идарабурис. Гьелбетта бала -кьада бур адегуна гIеджиз ве инсанар. Мишттин вахттуни кумак лазим ве гьер багухъас. ХIа гьуларин фикирна кьастт са усал хьугуна э курар арайил вереф.
«Iурдин вахтт хъучаверегунас шиниккварин хурубар чаб яшамиш вея мукьариъ ая махьтабариъ хурубар давам акьас Адильотардина Цияб-Цилитлийиъ аркьая махьтабарин курарил алгъузуне Дагъусттандин хIаф. ТIалаб акьуне гIилмин идарабур гъадивубан хIеракат дава лазимди аяф, мисаъ хьуна кканде кардин кьадмивелра»,— пуне Федор Щукина.
Махьтабар арайил акьубан курарил алгъузуб хьуна кканде райондин хIаттин хъара сара ме кар кIили гъаре инсанаринра. Республикайин хIатти кIвал акьуне гIилмин идарабурин бегьем акьас аме къирагъ-буджагъар ачухъ акьубан хъара герек иде дава бегьем акьуна ккане курарин суаларихъасра.
«ЦIае махьтабариъ акьуная ачухъвелар гьалдин заманайин инфраструктурайилди шиниккварин хурубарис мушатвел дахьас. Мисаъ яшамиш вере инсанарин удигь джувабдарвел хъай. Мисаъ курар арайил хьубан гьунар э валантерарин, кардин усттабурин, яшамиш вея халкьарин хъара хIа гьуларин. Ахирахъди пас кканде мегIелимарихъ кардин агалкьунар хьурай шиникквар идже гIилмин эессибур хьурай»,
— пуне Дагъусттандин хIатти Федор Щукина.
Наиба Гасукаева