Дагъусттан, энергетикайинра, ЖКХйин идарабурин аваданвел бадалди РФдин Правительствойи арайил акьуная пилотный проектин ишттаракчи э. Дагъусттандин, Ингушетин, Северная Осетин регионарин энергетикайинра жилищно-комунальный хозяйствобурин предприятибурин проектарин прграммабур цIуппи гъузуна кар авадан акьуб бадалди мебурис 3,6млрд манат ачухъ акьасе. ЯгIайин ягъа Российин премьер — министр Михаил Мишустина пугъилди, арайил акьу пилотный проект иджвелинф хьуная: вартт хьуная платежная дисциплина, сур пешакурарин важиб, идже хьуная коммунальная инфраструктурара.
«Муш кея ме кардилас асуллу хьуна инсанарин Iуьмурдин шартIар идже хьасе пуна, Северный Кавказ хъара ухьтан хьасе пуна промышленный идарабурис инвестицибур акьас. Хъара ппара муш кея экономика вартт хьубан базара вархайилди кьадми хьас», — пуне Михаил Мишустина. Хъара ми тапшурмиш акьуне вице-премьер Александр Новакас, ме кардихъас джуваб вун э, батIарди алгъузуна арайил акье пуна.
Салихат Малагусейнова