РФдин оборонайин министр Андрей Белоусова Каспийскдин флотилин аваданвел ахттармиш акьуне.
Дагъусттан Республикайиди учин кардин рамкабуриъ ай ади, РФдин оборонайин министр Андрей Белоусова Каспийскдин флотилин аваданвел ахттармиш акьуне. Совешанин мегIракайил Андрей Белоусова йиркIв алийине РФдин ВМФлин Главнокомандующий адмирал Александр Моисееванна Каспийский флотилин хIаф, контрадмирал Олег Звереван докладарил. Ме докладарин суалар флотилин военнослужащибур дегIвийин ишттараквелдихъди хIезур акьубанттар, мебурин пунктунин инфраструктура хъуьдуьхьес акьубанттар, хъара гамибур гъурзан причалар хъара алтухъ акьубанттар хьуне.
ЯгIайин ягъа Каспийскдиъ давам аркьая гидротехнический сооруженибурин цIае комплекс гъадивубан курар. Хъара гъванкIар багулинра гуьна багулин чапарар цIуппе акьубара аме Iу километр дегьен, причаларна хIуьлин къерехарин инфраструктура батIар акьуна кканди ая гамибур, суднобур, катерар гъурзар акьубан шартIар иджвелихъди алтухъ акьас.
Оборонайин министрдис хъара хабар акьуне, кIилдин фикир ирцIанде пуна военнослужащибурисна гебурин хизанарис лазим иде-дава суалар хIел акьубарис, мебурин кардин вегIдайи яшамиш вере хуларис. Российин военное в едомствойин хIатти РФдин МО Военно-строительный комплексдин вакиларис буйругъ акьуне ме кардин рекъуьъ лазим иде джигагьар флотилин удигь гьаядегьен суалара хIел акьуна кканде пуна.
«Агьал чин ме объект батIарди кканегъилди арайил акьуб бадалди кьацIра уликкес ккедихьасттава. Див хьин ме ус вахттуни арайил акьуна гьадихьас», — пуне РФдин оборонайин Министрди, Каспийский флотилин штабдин джигагь гъадивубан кар ахттармиш аркьая вегIдайи. РФдин МО Военно-строительный комплексдин вакили, учин нубати Российин оборонайин Министрдис ахъакьуне чиппи гъадивая джигагьарин кардихъас. Хъара ахъакьуне са вершна гIуьфцIур койко-мукь ая гарнизонный госпиталь акьуна ккиркIубан курарихъасра. Ме ус кардик кихьасе гьеме исан майдин вазала.
Хьеттин кIенакк аркьая диверсибурил алгъузу отрядарин учебно-тренировочный комплексдиъ Адрей Белоусовас доклад акьуне дженг дива сирнавчибур вардиш акьубахъас, мебурин тренировкабурин кьайдабурихъас, ме центрдин кардис, суалар хIел акьас лазим иде деликарихъас. Хьеттин кIенакк хIуьлин къерехарихъ ишламиш акьас лазим иде шейэрихъас.
Учин кар ккиркIубарихъди Андрей Белоусова, специальный военный операциъ чиппин зурбавел агвар акьу военнослужащибурис хIуькуматин джавизара йине.
Салихат Малагусейнова
