Дагъусттандин премьер-министр Абдулмуслим Абдулмуслимова ишттарак акьуне «Уголь Домбасса» агъа выставкайигI Сергей Мерченко агъа художникдин, СВОйин ишттаракчибурис бахш акьунатигI. Ме выставка дахъуная Дагъусттандин А.ТахоГодейин ттур але Национальный музейдиъ Махачкала шагьурдиъ. Абдулмуслим Абдулмуслимовахъай ме выставкайигI ишттарак акьуне Культурайин министр Зарема Бутаевайи, хъара садпе Игит Нурмагомед Гаджимагомедован баба, Махачкала шагьурдин 54 махьтабин директор Сапижат Мазаевайира. «Чве ийрхIуная ишкиларик чун агвар акьуная гьер джуре пушмалвелдин вакъиабур, гьер са Игит инсандин хасият. Гьер са ишкилихъ учин мегIна хъая, че фикирдилди, джалла инсанарин юркIураъ учIасе мебур. Ме ишкилари хьес кIвал аркьая мебурин игитвелдихъас душмандихъай дженг дива усаъра, хъара гьер ягъан Iуьмурдин рекъуьъра, сад сайис кумакилди маслихIетихъди рукьагъилди», — пуне Абдулмус лимова. Са усак ийрхIуная СВОйин садпе Игит России Нурмагомед Гаджимагомедов, багулив кейхьуная ишкил мин бабан Сапижат Мазаевайин, учин чишнайилди агвар аркьаяф цIуьппевел дагъусттандин дишагьлин йиркIуран. Ме проект арайил акьу художник Сергей Марченкойи ахъакьуне, выставкайил агвар акьуная ишкилар военослужащибурин, волонтерарин, чиппин разивел фай ушуттарин, духттурарин, СВОйиъ ишттарак аркьаттарин. «Ме ишкилар йирхIунаф угольдилди крафт агъа кIеджук, гьемисалас э Домбассдин ттура ушунаф ме выставкайин. Ме СВОйин Игитарин ишкиларилди агвар аркьая гьалдин хье хIуькуматин Игитар, мемурин зурбадалди Ватандин дазубур ухIубар. Ме Игитарил ттурар алдава — мебурис йиная хъитIу ттурар», — ахъакьуне Сергей Марченкойи.

Батитай Габибулаева