Дуньяйин варттал агьал адава джурейин пешабур адава. Ая лап авал заманайихъас мич аяттара, ая хъара гьал цIайи бадил хьунаттара. Сад дагь заманайихъас мич ая пешабурикес духттурвел э. Духттур фи вахттуни кканчира ттур ая пеша э. Духттурдин пеша уч баркалагь хъай кар акьуна кканефе. Инсан иттархьуна верегуна духттурдилди, чара кканди аве гис. Руб-дарманди далара, мезуран чIалулди хъара Iайи сагъ аркьа. Амма джалла духттурдин курсар хуруттарикес вейдава пешакурарин эесибур. Ая, кар аркьайчира, кьацIра гьанасра дагIаттара, ая нае дерейиди ушучира ттур гъургъаттара. Агъуларин халкь бицIи ичира, хьехъра хъая идже баттар гъавурдиъ ая, ттур ая духттурар.
Агьал хъучавея силебарин духттурарин хIаягъ. 9 февраль мебурин хаягъ э. Ме хIаягъ ахиран вахттари бадил хьунафе. Агьал ппараттар алучIа ме пешайин эессибур хьас. Амма джаллабуривас инсандин чугъсагъул гъушанас вере пеша дава ме. Авала ке Iайи гучI гьая духттур и силебаринф. Агьал хьуная гьер джурейин рубар-дарманар, кьацIра хабар даверегъилди силеб сагъ акьас кумак аркьаттар. Инсандин ке Iайи гъургъагунана элхъенгуна аргваф силебар э. ДехIела, фичира четинвелар хьугуна, нае духттурдилди вегьан агъай фикирар аве. Гьелебелеттилди вес ккандава сайисра, ттур ай кар аркьаттихъас руцай чалишмишди аве.
Хье халкьдигI ппара гIая силебарин духттурар. Мишттин ттур ая духттурарикес сад э Садиков Магомедшафи Курбанович. Ме хунаф Агъуларин райондин Дулдугъарин хIуриъ 1963 иса. 1989 иса ми хуруна ккиркIуне Дагестанский государственный медицинский институт. Ме кидавай, вахттар гъартай ми хъара акьуне хурубар. 2005 иса — Российская медицинская академия последипломного образования «Радиационная безопасность пациентов». 2008 иса — Российская медицинская академия последипломного образования «Применение лазеров в стоматологии». 2009 иса — Центральный научно-исследовательский институт стоматологии и челюстно-лицевой хирургии «Имплантология в стоматологии». 2009 иса — Государственное образовательное учреждение Высшего профессионального образования «Российский университет дружбы народов» «Организация и проведение производственного контроля за соблюдением санитарных правил и выполнением санитарно-противоэпидемических (профилактических) мероприятий». 2010 иса — Московский государственный медико-стоматологический университет «Стоматология ортопедическая».
Хъара ме ве сасра хIуькуматариди цIае курар ягIар акьас, тисариас цIае руб-дарманар гъас. Хабди адина хье усариъ ишламиш акьас.
Ягъайин ягъас Магомедшафи Курбановича дахъуная Москвайиъ «Агул» агъа силебарин клиника. Мисан ме хIа духттур э, хъара ветеринарный стоматологической клиника «ЗООДЕНТдин» генеральный директор э. Мисаъ мебури аркьа гьер джурейин силебар сагъа аркьа курар. Хье райондин инсанарисра ппара кумакар аркьа агъа идже сана ая мин. Уч ватандигьас варха ичира, мин йиркIв ягъди мисал э алеф. Учивас аттрукьугъилди кумак акьас алучIа райондис. Мишттин ттур ая Агъуларин инсанарихъас унихьугуна, гьерттин йиркIв шад хьуна гьава ве. Хъара ппара хьурай мишттин агьуларин инсанар, халкьдин сагъламвел ухIаттар! ХIаягъ мубарак хьурай чвас!
Луиза Гусукаева
