Махачкалайин площадил хьуне Гъалибвелдин несилар агъай Движение Первыхдин Парад. Ме мегIрака арайил акьуф ме иса Ватандин ХIа дегIвин Гъалибвелдин 80-ис хьухIела э. Ме мегIрака арайил акьу инсанарин чIаларилди, мишттин мегIракабури кегъархьая джигьиларис хум гьатас артайдава дегIвин ветеренар, эскерар, военослужащибур, СВОйиъ кIиттар. Ме парадиъ ишттарак акьуне 5 агъзурдегьен инсанди, мебуригI гIуйи гьер районарин Движение ПервыхдигI гIая шиникквар, ай уйи Агъул райондин шиникквара, «Юнармин» активистар, инспекторы Движения, волонтеры- медикар хъара джуреттара. Ме мегIракайигI ишттарак акьуне: Россиин Игити, председатель общественно -государственного движения «Движение Первых» Артур Орлова, Дагъусттандин вице-премьер Муслим Телякавова, РД-йин диндин кураринра миллатарин сиясатин министр Энрик Муслимова, РД-йин джигьиларин курарин министр Камил Саидова, Махачкалайин мэр Юсуп Умавова, Региондин Движения Первыхдин отделенин председатель Людмила Саидовайи, РД-йин НС-дин депутатари, хъара джуреттарира. МегIракайил гъургъуне Артур Орлов. Мин чIаларилди ппара дамакъ аркьая ме Дагъусттандил джилил уч алхьубал.
«Мубарак акьурай джалабурис ВОВдин Гъалибвелдин 80 ис. Хьес ме гъалибвелдихъас акьу загьамтихъас кIвалди амедегьен гагьди, дадарин-хIададарин джандил аде зулумдихъас фикирариъ амедегьен гагьди сайифасра хьасттава хье варттал хIавел акьас», — пуне Орлова. Хабди гъургъуне Муслим Телякавов. «Гьер иса 9-пе майди хьинджаллабури кIвал аркьа тарих. ЯгIа чун несилар э те вахттарин инсанарин, чваал э алди аяф вазифа ухIуб хье хIуькумат, чун э хье багайин ягъ. АцIуна вахттар алттушучира, ягIа тарихди агвар аркьая шиникквари, джаллабур са фикирди завал акьунаттар, ватанперасвелди, арайил акьасе хъара хIа тарих», — пуне Телякавов.
Ме мегIракайил активистари площадилди аттивуне Российинра Дагъусттандин флагар, Знамя Победы, хъара дахъуне 45 митIри ая «Солдатский платок», мисак ликIина уйи Ватандин ХIа дегIвинра СВОйин ишттаракчибурин ттурар. Хъара акьуне Российинра Дагъусттандин Гимн, акьуне лихъунар, агвар акьуне гьер джурейин сценкабур. Мич адиная гIулари хабди итIуне Движение Первыхдиди цIае кьабул акьуная шиникквариъ галстукар. Хабди джалла парадихъди завалхьуная инсанар ушуне Магомед Гаджиеван куьчайиас. Ленинский комсомолдин паркуниди рукьуф мебури алийине тукар. Артур Орлова хIа кьимат йине Дагъусттандин Движение Первыхди аркьая кардис. Движенин правленин председатель, Российин Игит адина уй Дагъусттандиди. Ме гьучархьуне ме организацин ишттаракчибурихъай, ушуне парадихъдира. Координационный советин заседанил ме баркалагь пуне Дагъусттандин хIаттис шиниккварис ирцIан майилдихъас.
«ЯгIа хьин уйи Махачкалайин площадил, мич завал хьуна уйи агъзурарилас вартт шиникквар. Мебур гъузуна уйи Российинра Дагъусттандин флагар фай. Мебур джаллабур сад хьуна гъузуна уйи, мебурин уларилди аргвай уйи фидегьен дамакъ аркьай уйчин чиппин хIуькуматил. Мебурихъ хъуланди аргвайи хье хIуькумат сайивасра гъили гъушанас давереф», — пуне Артур Орлова. Сергей Меликова баркалагь пунеАртур Орловас. Хабди заседанин ишттаркачибурис пуне ме: «Чун гъавурдиъ аяв фидегьен лазим ичин ягIа ме шиниккварихъай аркьая кар, хье валаятин Президенти, Движение Первыхдин хIавелди кьабул акьуне авала танковый батальонин хIаф».
Артур Орлов Сирин дегIвин ишттаракчи э, СВОйин ветеран. Хъара мис йиная Герой России ттур, Медаль Суворова хъара Орден Мужествара. Дагъусттандиъ «Зарница 2.0» агъа усаъ са исан арайиъ якьудтти вартт хьуная ишттаракчибурин сан. КIилди Российин военно-патриотический дурухIалдихъас ахъакьуне джигьиларин курарин министр Камил Саидова. 2024-пе иса «Зарница 2.0» завал акьуне 27 агъзуралас вартт ишттаракчибур, ме иса 105 агъзуралас вартт. Ахиран дурхIубар хьуне 15-18 майди Кайтагский райондиъ, мисаъ завал хьуна уйи 15 команда 9 райондиас. Гъалибвел гъушуне Iу наминациас Кизлярский районди, са усаас Кизлярди. Сергей Меликова баркалагь пуне шиниккварисра мебурин хIаттарисра ме мегIракабуриъ ишттарак акьубан. «Джаллабурифас гъалибвел гъушанас верефттава. Са ппараттарис са чIукь и гьудуркIуф садпеттар хьас, фиштти ичира джалабурис йина кканде джавизар мебури ишттарк акьубан», — пуне Сергей Меликова. Ме военно-патриотический дурухIал «Зарница 2.0» Дагъусттандиъ аркьай Iудпе ис э. Мисаъ авалдин вахттарин тIабигIетар ухIай аме. Амма мич гIачихьуная гьалдин цIае шартIар. Джигьилари агвар аркьа фиштти кумак акьуна кканчин читин вахттари.
Луиза Гусукаева
