Дагъусттандиъ кьабул акьуная гьеме 2024-пе иса хизанарин исан хIаягъарис багьш акьуна герек иде мегIракабур.
Гьеме кардин ахтигьарвелдин кIеджар кьабул акьуна къул дивуне Абдулмуслим Абдулмуслимова.
Хизанарин ис Республикайиъ арайил акьас фикирди ая кIилди 100 дегьен культурно-массовый, спортивный образовательный мегIракабур. ХIапай хьасе хIа хизандин арайиъ нухIуьбат- хIуьлмат ухIубан маджлисар. Вилаятиъ яшамиш вея инсанарис хьасе гьер джурейин бехIсунин мегIракабур, марафонар, хьасе маджлисар етум шиниккварис, хъара ппара мишттин шадвелар.
2024-пе иса региондиъ хьасе лап хIа Республиканский хизанарин маджлисар- «Родные- любимые» хъара «Читающая семья» агъаттар.
Гьеме иса Дагъусттандиъ фикирди ая арайил акьас «Наследники Победы» агъа проект СВОйиъ ая военослужащибурин шиниккварин йиркIвар гъадивас, хьасе «Дети солнца» хъара «Зажги синим!» агъа мегIракабур, багъиш акьунаттар итта шиникквар ухIа дадар бабарис.
Мебур кидавай, Махачкалайиъ ме иса арайил акьас кканди ая Семейный многофункциональный центр «Республиканский центр социальной помощи семье и детям» агъа идарайиъ. ХIа хизанарин шиниккварис, хъара СВОйи аттарин хизанаривас гьавайи вес хьасе музеяриди, будаярин театрдиди, РДйин Минкультурайин идарабуриди.
Гьеме 2024-пе исан арайиъ ппара мегIракабур хьасе «Мать- героиня», хъара Родительская слава» агъа джавизар хъая дадар- бабарис багъиш акьунаттар.
КIвал акьасе, Дагъусттандиъ Хизанарин исан мегIракабур башламиш акьас хъучучIасе 1-пе февральди Iуьрус театрдиъ.

Наибет Гасукаева