ЙиркIурал акьасе хьин, ушу иса димари Сергей Меликова гьучихьуф и хье республикайиъ ме ягъас бахш акьас ппара мегIракабур хIезур акьуна файшубахъас. «Ме шаирдихъас, уч («ХХ-пе асирдин Гомер») дуьньяйил алми, лап ттур ая Iуьрус машгьур назумчибури: Максим Горькийди(«Гомер ХХго века), Нобелевский Лауреат Борис Пастернака(.. «автордикес учикес китаб вей вя хабди несиларис лазим иде суалис джуваб джикIес..»), Леонид Леонова («Джалла шаирарисна назумчибурис чишна э»), Владимир Луговскойди(«гьер са шаирди агвар акьуна кканде чиппин халкьдин ке идже инсанарихъасна курарихъас…»), хъара сасрабурира хIа гафарар аркьай пуная. Ме шаир хье Дагъусттандин шаирарис кикIуная рекIве гIад хIисаб э. С. Стальский -чишна э хье назумчибурис»,-пуне хье республикайин хIатти. Але иса ацIуна гьер джуре мегIракабур аркьаяф э хье республикайиъ: ми шиирарилди театрари тамашибур агвар акьуне, халкьдин фестивалар файшуне, культурабурин идарабури «круглый столар» акьуне. Махьтабариъ, библиотекабуриъ найи иджи хурайчин афихьубар акьуна, агьалра аркьайра аме. ГIилмин идарабурира акьас хIезур акьуная «круглый столарна» конференцибур, гIилмин сессибур. Сулейман Стальский ху ягъа, 18- пе майди, хIа мегIракабур ахьасе МахIачкъалайиъна, шаир ху Сулейман Стальский райондин АшагаСталь агъа хIуриъ.

Тамам Рамазановайи