Вице-премьердин врио Ризван Газимагомедова Москвайиъ Российин хьеярин базарин аваданвелдин суаларихъас арайил акьу, Межведомственный координационный штабин заседанигI ишттарак акьуне. МегIрака кIили файшуне ФС РФ-ин Федерацин Советин председательдин садпе заместитель Андрей Яцкина.

Ме мегIракайил гъургъуне ке лазим суаларихъас хье региондин хьеярин рекъуьн аваданвелдин суаларихъас, хIуппарин хьеяр дузди ишламиш акьубан картайихъас, хьей ишламиш акьуб алтухъ акьубахъас, хIуькуматин майилдин кьайдабурихъас, хьеяр арайил аркьа идарабурихъас, хIезур натиджабур гьеммишанра садсуман ишламиш акьубахъас.

Ризван Газимагомедова хабар акьугъилди, Дагъусттандив садпе мукь фаме хьеяр арайил акьубан курариас: 2025-пе иса арайил акьуне 14,5агъзур тонн, 2026-пе исак арайил акьас йиркIураъ ая 15,7 агъзур тонн, 2027-пе исас ме кьадар мумкин кар э рукьуб 16,2 агъзур тонндихъди. Ме рекъуьъ арайил акьуная кластер 8 идарайинф, 343,6 миллион манатин инвестиция хъаяф, 147 инсанарис курара вереф. Ишттаракчибурис льготарин финансированиера ая. ХIуькукматин майилра давам аркьа ме кардис: 2026-пе иса хьеярин кар арайил акьубарис 84,2 миллион манат ачухъ акьуная. Акьу кардин шегьидвеларикес сад э Дагъусттандин хьеярикес арайил аркьая натиджа. ООО «Кавказская шерсть» агъа идарайи арайил акьуне 13,6 агъзур школьный жилетар, мебурикес 10 агъзуралас вартт хъатунара ая, хъара гъушанас хIезурди ая 35 агъзур. Мебур кидавай идарайи 12 агъзур руб йирхIу лехIефара адихьуная. Ахирахъди акьу ахттилатарилди, хьеярин кар авадан акьуб бадала кар давам аркьая цIае «дорожная карта» арайил акьубан рекъуьъ.

Салихат Малагусейнова