11 000 агъзуралас вартт инсанар адине Дагъусттандиъ «Поезд Победы» агъа Интерактивная выставкайиди.

ЦIаIудпеттилас ЦIигIуьфудпе октябрьдилдегьен дагъусттанагьлибурифасна республикайин гIуларифас гъил кирхIас вей уй Ватандин ХIа дегIвийин тарихик, «Поезд Победы» агъа надир проектин рамкабуриъ ай. Ме кIилди дуьньяйиъ садпе иммерсивная выставка э вере поездиъ акьунаф. Якьу ягъа кар акьуне ме Кизлярдиъ, Махачкалайиъ, Дербентиъ. Гьаме якьу ягъан арайиъ мич адине цIаса агъзуралас вартт инсанар.

ЙицIу тематический вагониъ ачади инсанарин удигь джан алгьадиф суман цIае вей уй те вахттарин ке хIа вакъиабур – 1941-пе исан ахиран ислехI ягъарихъас хъучучIуна са хьиму исарилди ахъутIуна гъушу Гъалибвелихъди рукьуна. Гьалдин технологибури арайил аркьай уй эффектар, ме дегIви ишттаракчибурин уларилди агвас. «Поезд Победы» – ме гьакIан выставка дава. Ме мугьлат э гъалиб хьу несилдин гьунарлувел ухIуна джигьиларис агвар акьас. Дагъусттандиъ ме кар арайил акьубан хIавел фай уй Дагъусттан Республикайин джигьиларин курарин Министерствойив.

«Хьес аргва, гьер иса Дагъусттандиъ «Поезд Победыди» вей-вей ппара инсанар ве. Ме кар шегьид э хье ватанагьлибурис, хье джигьиларис лап йиркIурастти ягIар хьас кканде тарих, ухIас кканде фикирна ирс чиппин ата бубайрин. Мишттин проектар ватанперасвелдин тарбияйин хIа пай э, дехIела чин давам акьасе ме кардис ирцIан майил»

— пуне Дагъусттан Республикайин джигьиларин курарин Министр Камил Саидова.

Салихат Малагусейнова