Кьан хьасе, кьана маркьа
Кандев вас вахъас дузди гъургъас.
Дуз инсандифас хабар гъуен.
Ккандев вас идже яшамиш хьас.
хIелал залалалди руцен.
Гиран акьас ппара рехIете.
Лис джуваб ес хьастава
Зун хиялик кихьугуна.
Вун фикьасе тегуна.
Кьана хьасе, кьана хьасе
Гъил гъуен пас кьана хьасе.
Кьан хьасе, кьана маркьа, кьана хьасе
ЧIирхIе сивин, чIирхIе гъургъубар.
Гъадивасев ле ве, йя инсан.
Давагъелди аркьа курар.
Мурад бегьем хьасев ве, йя инсан.
Iайвел вун мисагьатис акьасе.
КIваладавай са ягъа балла ваал адисе.
Хайир вун мисагьатис ккан акьасе.
Баракатикк вун кичархьасе.
Кьана хьасе, кьана хьасе.
Гъил гъуен пас кьана хьасе.
Кьан хьасе, кьана маркьа, кьана хьасе.
ХIа гафарин, ахIа чIалар
КIилиъ вас гъас деветтар.
Ве ахIа эхтилатарин зарар.
Мисаъ гьаттис эхи зазар.
Къуни-къуншис гиран акьас.
Хайир зас ле ве ккандахIас.
Агугуна улар алакьас.
КIегунара Iэфу дакьас.
Кьана хьасе, кьана хьасе.
Кьан хьасе, кьана маркьа, кьана хьасе.
Дадасна бабас дугIа акье.
Вун дугIайик кичархьас кканчин.
Мертте дуньяйил дуламиш акье.
Вун сивил хьас дакканчин.
Давагъелди шиникквар вардиш акьуная.
Дадасна бабас эхи гунагь.
Дадаласра бабаласра Iэфу аркьафра э.
Йя РахIмануйи РахIим, вун эхи са Аллагь.
Кьана хьасе, кьана хьасе.
Гъил гъуен пас кьана хьасе.
Кьан хьасе, кьана маркьа, кьана хьасе.
Аллагьдин лукIра э вун дишегьли.
Эхи чин ппара, ппара ваал рази.
Шуван лукIра эхи вун дишегьли.
Кьадарадавай гирандис, дава хи вун рази дишегьли.
Кканетин уларин Iэкве вун
Ккане шиниккварин баб ле вун.
Ккане уйинар акьас багъ-бустане вун.
Дакканхье арайиъ алчагъдалла алчагъе вун.
Кьана хьасе, кьана хьасе.
Гъил гъуен пас кьана хьасе.
Кьан хьасе, кьана маркьа, кьана хьасе.
КуьчейигI хъатурхунае чIалар.
Иблис шейтIандин шадвелар.
Гимикк акьунае къавахIанар.
Кьияматти ккидиркьва джувабар.
Магъа вун джуьреттис гафар, чIалар.
Ваал алчархьаф ягIайду вас
МартIа вун джуьреттис къуй
Вун архьаф ягIайду вас.
Кьана хьасе, кьана хьасе.
Кьан хьасе, кьана маркьа, кьана хьасе.
Дуньяйил ппара хIейран мева.
Аркьа тIуларин ахIтият акье.
Зун девлете агъай гьавайилас маруца.
ХIерам хIешим варха, акье.
Кьана хьасе, кьана маркьа.
Каидова Эльмира Н., c. Буршагъ.