«День Победы» акьуне хье Агъул райондин Тпигъ хIуриъра. Мич адина хьуне, идарабурин хIаттар, мактабарин директорар, хIурарин хIаттар сае сасрабура.
Ме парад хъучучIуне Тпигъарин мактабарихъас дузди администрацин майдандилди рукьуна ушуне. Хъара Гъуддгъуларин хIуриасра адине парад акьуна шиникквар. Хьуне шестви гъалибвелдин «Бесмертный полк».
Парад аркьаттарив фай уйи ишкилар чиппин багунттарин, дегIвиъ хьуттарин, лихунин ветеранарин, Афгандиъ хьуттарин, Чернобыльдиъ, хьуттарин, дегIви аягуна дегIвиъ аяттарис кумак акьуттаринттара.
Администрацин майдандил хьуне митинг, хье дегIвиъ кIинаттарис акьуна ишандил алийине тукар. Ме мажлис дахъуне райондин хIаттин заместительди Мазанаев Османа. Ацуна идже чIалар пуне ми. Хабди чIал йиная Общество ветерановдин председатель Магомед Омарова мубарак акьуне джаллабурис ме хIаягъ. » Мубарак хьурай чвас ме хIаягъ 70 ис Гъалибвелдин Великий Отечественный дегIвиъ. Ме хIаягъас хье илгундава садра джан кими ме зурба дегIвиъ хьуттарикес, амма гебур хье йиркIвариъ илгванасе ягъди. Хье дегIвиъ хьу игитари чиппи чаб кIвалас даверегъилди акьуне ме зурба кар акьуна, гебурин ттурар къизил хIерфарилди ликIина ая кIилин дуйяйин историъ, ме кардис шигьидвел э ягIа хьин аркьая Гъалибвелдин хIаягъ!» — пуне ги.
Мубарак акьуне ме хIаягъ хье главайин заместитель Беневша Курбановайи. «Авалдинттари агъафи: «Че кьабахъай вереттар хьуна кканде чааласра зурбабур». Ме кардихъасра э хье ХIададари чаб Iегвал давай хьес идже хьурай пуна йине чиппин Iуьммурар. Мишттин кар идегуна Беневша Курбановайи пуне хьес хум девере гъилди фишттин зурбавелар акьунчи хье ХIададари ме агъзур агъзурар Iуьммурар файшу дегIвиъ. Гьалдин хаб хьинра гебури суман фи читинвел алчархьучира нае Iайвелар хьучира хъагъишагъилди хье ватанихъас.
Хьес кIвалас ушуна ккандава фишттин читинвелар хьучин хье халкьдис, фидегьен гIезабар хьунчи. Хьес агуна ахъакьуна дехIера э дегIвиъ хьуттари фидегьен читинвелар хьунчи. Хье кьабахъаттарис ахъаркьа ветеран илгванасттава, дехIела хьин, хьес ягIаф гебурис ягIар аркьай, фиштти зурбадалди хьин ме хIаягъ аркьай айчи гебурира аркьагъилди, ме хIаягъ хум девес.
Хабди джалла завалхьуна ушуне хье дегIвиъ хьу игитарис акьуна ишандихъди. Алийина тукара, хуруна джаллабури дуьгIера ушуне гьерф учин кардихъди.
