Гьаме ягъари Дагъусттандин Правительствойин Председатель Магомед Рамазанов кардин рекъуьас аларуцуне Махачкалайин агломерацин коммунальный инфраструктурабурин мукьарил. Ме кардин рамкабуриъ ай таниш хьуне цIае канализацибурин мерттхьунин сооруженибурин, коллектораринра насосарин станцин реконструкцин, хъара Каспий хIуьлиди гIачавере хьиттарин уьркIевеларин курар арайил акьубахъай.
Ме программайин ке яIанин, ке лазим объект хьуне канализацин мерттхьунин сооруженибур. Мебурин мощность э 150-цIур агъзур кубометр са суткайин арайиъ.
ЯгIайин ягъас Дагъусттандиъ арайил аркьа инфраструктурайин ке хIа проектарикес сад гьаме э. Ме мугьлат йисе Махачкалинско-Каспийский агломерацин адавере хьиттарис гьалдин джурайин мерттхьунин система арайил акьас.
ЯгIайин ягъа АО «Мостотряд 99» агъа подрядчикари чиппин объектил хIезурвеларин курар аркьа. Арайил акьуная гьучавере рекъер, мертт акьуная манзилар, гъадивуная строительный городокра, хабдин очистительный сооруженибурил алчархъа материалра хъучагъа. Ме объектил гьер ягъа кардик кеве 75-фу инсанра вершалас вартт техникабура, мебури хъучаркьа кIилди лазим иде деликар. Гьер ягъа строй площадкайилди ачагъа 3,5 агъзур кубарилас вартт материал, майдан аркьа мисан манзилар.
Проектин фикир э Махачкалайинра Каспийскдин хьеттар авере стокар мертт акьуб. Ме кар арайил хьучин гьалдис кардик кея стокарин хIелра ппара алтухъ хьасе. Аверегуна мертт акьу хьед хIуьлигIди мерттхьун хъай гIачавесе.
Очистной сооруженибурил кидавай Магомед Рамазанов аларуцуне Каспийск шагьурдин канализационный насосарин станция акьа площадкабурилра, хъара Махачкала шагьурдин ая насосный станцибур модернизация аркьа ГКНС-6 ая усадира ушуне. Мисаъ ме ахттармиш акьуне ГКНС-6 –дихъас Каспийск шагьурдин цIайи арайил аркьая напорный коллекторарихъди вере напорный ниткабура. Мебури арайил акьасе гьалдис кардик кея станцибуринра, арайил акьас аме станцибурин алакъа.
Хъара Магомед Рамазанов таниш хьуне хьеттарин даринвеларин проектихъайра, микес ке лазим элемент хьасе хьеттар адавере системайин.
Ме объектар джаллабур сад – сайихъай алакъа э. Садихъди хъай кар арайил акьуб бадала мебур кIилдибур са технологический комплекс хьуна кканде.
Салихат Малагусейнова
