Лап дахи суман Дагъусттандин суварил яшамиш ей ахьуная са касиб Iэли агъа джигьил кIиркI. Ме са ттур ая эркег, фихьичира ягIархьас ккане зурба, нандиъ хьичира адаркай, фи аркьайра сакинди экьвас девеф хьуная ме. Са ягъарикес са ягъа, са магьарайиъ (пещера) адаркаягуна, алчархьуная мис лап куьгьна, къизил хаятIари накьишар ликIиная ухьтан суфра. Ме суфра сасрабур суман гьакIанф давуйи. Ме-заварикес инсанра алди алттвере, лап гьавабуриди агъушуна, найч кканчира алттвес вереф хьуная.
Iэли гъил-гъилари алекьуная мил, агъушуная завариди. ЦIайи агъушу арайи багь атIуна амилгуная ме гьавайилас аргва дуьйин ухьтанвеларил, амма са гагьдилас агуная мис мучIе-мучI атIу хIа, заварин са пай фацу эхъ. Ме эхъ хьуная джалла инсанарис гучI ицIанди, заварилас вей, адаркая мутлакь Горгуджан агъа аждагьайинф. Ме аждагьа цIа хъусай алттвей ахьуная заварикес. Iэлис кканхьуная михъай укъуна, йирхIуна, кIес.
Ппара гагьди, Iайи укъуная мебур: Iэли учифас вередегьен Iайи ккедишай, аждагьайин ича цIабуригьас ккедишас, уч ге суфрайилас аладархьас, учин суьхIуьр ишламиш аркьай хьуная. Ара-ара аркьай гьелара фартай хьуная ми, гъванара алатай хьуная Горгуджандил. Амма ппара Iаеф, Iэмалар кееф хьуная ме душман. Бегьем гагьди укъуная мебур, агьал бизар хьуна,буш хьасе агъаф суман ахьуная Iэли. Гьеге арайи кIвал акьуная ми са идже Iэмал- учин суфрайил алди, гIачишиная ме завариъ гъайшиная джикалигI.
Саннапуна Горгуджан ачархьуная ге джикалин ке яIаниъ. Учи ича цIа, учин руджурас киркьуна, алараджуная мин джандил. Фера акьас дахьуна, угуна, кIиная джаллабурил хIевалат хьуная чIирхIе мутIлакь аждагьа. Гьегиштти Iэли Горгуджан агъа аждагьайиккес ухIуная кIилди халкь. Iэли гидегьен хIа зурбавел акьуна, чаб душмандиккес азад акьубан халкьди йиная мис ацIуна къизилар. Хуппай ях пуная мис учин суфрайил алди сасра джигьиларисра учис ягIа зурбавеларна Iэмалар ягIар аркьай, дуьйиъ адаркас. Тегунанхаб хъара ппара адаркуная Iэли зурбавелара аркьай, суфрайил алди. КIилди Дагъусттандин джигьиларис зурбавеларин чишна хьуна, аметтара мишттин зурбабур хьуная хье валаятиъ.
Тамам Рамазанова
