ЯрIугIарин хIур ая Кьушан-дерейин чаппил багухъ Куьушан-чай агъа рухан къирагъихъ.

Магърибна машрикъ багухъас хIур ухIая дагьарарин дерейи, мисас адаве бицIи рухар. Гюна багухъас хIур ухIая дагьарарин канччари хIа къапубури суман.

Ахттилатарилди сифтта ЯрIугIарин хIур хьуна уй лап хIа къала, къалабури ухIаф.

Сагелай хьуне агъа са кар душманарис мункинвел хьуна ачавес ме къалайиди. Душманари акьуна Iемал къапуйил алгъузаная къарис. Йина савкьатар элдетмиш акьуна мебури къари дахъас акьуная къалайин къапубур. Душманари ккедихьуная ме къала. Хабди мисаъ ая инсанар хьуне Iу пай. Са пай ушуна ме хIуриас башламиш акьуне чиппис цlае хIур Кулардж агъаф. Са пай амилгуне ме хIуриъ.

Мисаъ ай уй хьибу мазгит.

Садпе мазгит акуьшуна къурчар хьуне, Iудпеттин гъвадар ахъуна амилгуне Iари цалар, хьибудпеф ягIайин ягъас батIар акьуна кар аркьая.

Наиба Гасукаева