Владимир Путина федеральный къанунилас къул дивуне. Ме къанунилди Iу агъзурна къана якьудпе исас яшамиш хьубас гьуркIа пулун кьайда алтухъ хьасе. Мин кьадар хьасе цIеярчIу агъзурна Iу вершна ягъцIурна якьу манат. Ме кардин кIедж правовой информацин официальный интернетпорталиъ ихьуна ая. «Iу агъзурна къана якьудпе исан садпе январьдилас яшамиш хьубас гьуркIа пулун кьайда цIеярчIу агъзурна Iу вершна ягъцIурна якьу манат акьасе», — кея ме кIеджук. Але иса ме пулун кьадар и цIеерхьи агъзурна Iу вершна ягъцIурна якьу манат. Миштти идегуна, джуре исас мин кьадар 18,5 процентин алтухъ хьасе. Iу агъзурна къана гIуьфудпе исан са вазалан важибдихъай гьучикIучина, мин кьадар 48 процент ве. Ме къанунин маслихIетилди якьу миллионра муя верш инсандис загьматин важибра вартт хьасе. Мебур кидавай, сасра иса бюджетин пешакурарин вазалан ваджиб вартт акьубан алтухъан харджарин кьадар хьасе: — федеральный идарабурин пешакурарис (федеральный бюджетил алдеттарис) — 19,7 миллиард манат; — субъектаринра районарин хIуькуматин идарабурин пешакурарис — 126,4 миллиард манат. Iу агъзурна къадпе иса кьабул акьу кьайдайихъай гьучикIухаб МРОТин кьадар, асуллу э алттушу исан са вазалан ваджибдин кьадарилас (сурис ме кьадарилас бицIиди чукь ве, сурис ппара). Удигьди ме кьайда вейи 42 процент.
Салихат Малагусейнова