Фикир акьучин тIабиIетихъ гьер са дардунис дарман, йирхIунис мелхIем хъаве. Амма

инсанарис ме кардин хIелдин пайунин пайра кехIей ягIай авейдава. Гьер вахттунихъ учин емишна некьира хъаве. Изображение


Цул адигунара завал аркьай аве ацIуна хайирлу мехIсул. Агьал завал аркьа облепихабур. Ппара муфеIет кея инсандин сагъламвелдис ме накьибурикес. Мебурикес аркьа сокар, компотар, мураба, кеттива мебурикес ччам. Ме ччамун ишламишра лап

ппара э духттурвелдин косметологин рекъериъ. ГIарта лосьонаригI, мазаригI, дарманаригI. Ме кIур хуларихъ узафра хIа пай мин накьибурихъас э. Амма миштти пучира сури батIарвелдисра уза, цIаб архъастти ме кIураниъ архъа тук. Ппара ухьтандира аве ме вегIдайи ме. Облепихайин некьибуригI гIая витаминара (С, Е, В-группайинттара), каротин.

Ме кIуранин цIабара кехIей ишламиш аркьа. Инсанари ишламиш аркьаф суман дарариъ облепиха джакьвари Iеле ке хIа ризкьра э Iурдана. Са чIалалди ме некьийил сагъламвелдин Iекве нур алдея. Ме тIабиIети хьес йи лап хIа савкьат э. Михъ хъая нугIмат инсандис гуджна ухьтанвел ирцIанф. Гьер са некьи са азман аптека хIисаб э.

Витаминарин ппаравелдис ме чемпион э. Ке ппара гIая витамин С, ме иттар дахьас иммунитет цIуппе аркьа инсандин, витамин Е кьвачIа батIар аркьа, хъара гIая мигI хайирлу жирара. Гьелбетта авалдин инсанари нехIекьди давуй облепиха асирарилди ишламиш аркьай уйф джерехIвелдин рекъуьъра.

ТегIди сагъ аркьа ме йирхIунар, сакин аркьа раздражат хьу кьвачIа, кумак аркьа Iеле гуни хIел акьасра. Гьемиштти идегуна, нагагь чвас чве сагъламвел цIуппе акьас кканехаб хьудегьен ппара ишламиш акьас алучI облепиха. Салихат Малагусейнова