Исан гьер са вегIдайи учин кар дузди кIили файшуна кканде. Амма ме кар инсанарилас асуллу дава. Хьес миштти кканхьучира тIабиIетихъ учин Iеламатарна караматар хъаве. Мин ахттигьар э Iурдана ибгIавелар хьуна. Хьидихъди ибхьер угъубра. Е дахьучин джурегъилдира.
Сур исари мертти къурах ве. Алттушу Iурдана алтухъ ибхьер угъундава. Хабди хьид алахъуне. Аязари ругъас акьуне кIурарин тукар, узу мехIсулар. Ичира тIабиIет сакин дава.
Ахиран хьибу якьу ягъан арайиъ аме исари кIилин Iурдари дугъадегьен ибхь файдине. Ппара читин хьуне мал къарайисра, багъ - бусттандисра. Амма хъара читин хьуне ке Iайи Iекварихъас. Къекъе ибхьер алийина гьер усарилас кьатI хьуне сувариъ Iекварин синар. Угъая хIа ибхьериас хьибу ягъди агъавей адавей ппара азиятилди батIар акьуни хье Iекваринра рекъерин пешакурари. Хьидин ирхе ягъар ичира рагъуфас гудж алийина уцIас акьас вейдавуй. Ттиъан Iурд учра цIуппеф хьучира, магьа хьидра ппара Iайи алахъуная. Цац суман ме исара хъаттархьуная кIилин хIурарин Iеквар, аккуьшуная рекъер. Мегелай хъара читин э кар акьас. Те иса хьибу ягъан арайиъ батIар акьунчин, ме иса якьу – гIуьфу ягъ э мебур кардик кей. Хьед инсандин Iуьмурдин рекъуьс ке лазим задарикес сад э. Гунихъди муьхIтаджвел ппара аргвай ичира ул ачатухаб гиштти дава. Гъала хъудай Iуьмур вархайилди ве, хьед хъудавай алтухъ ккихас ве
йдава. Инсандис суман хьеттихъди муьхIтаджвел аве джиларинра, IуькIер - кьаларинра. Мебури ишламиш аркьа хьед удигь кIил акьуна ибхьерин, угъаларин хьед э. Хабди, лекукк ккея усарис инсанари ахъихьуна ирцIандира аве. Ибхь, угъалар кидиркьва джилар рукъуна кьур аттархьуна аве, чIирар рукъуна хъуьхъе хьуна аве. Угъалар, ибхьер дугъу иса ме кардин Iайвел киркьва инсанрисра, мал - къарайисра. Къурах иса мехIсулра, маларис ахъилан IуькI - кьалра ппара к
ьит ве. Гьелбетта ибхьерна угъал иджвелин задар э - нагагь рехIми хъай угъучин.
ХIа инсанари нехIекьди дава угъал угъагуна агъай вереф, инсанарин итталарис рехIми хъаяф хьурай, мехIсуларис баракатар хъаяф хьурай! Угъал джалла мехIсуларин кIил э! Амма са вегIдабури муфиIет суман зарарна, хатIара ппара киве мебурикес. Ме рехIми хъудавай угъа вахтт иде таре. Агъай ве Iуьши угъай, ягъуйи рагъ хьуб ме табиIетин разивел э пуна инсанарил. Фи курарилди алгъартаф ичин ягIайдава инсанари тIабиIети
с. Магьа ттиан исра, фикир акьугуна, тIабиIетис хъел кея ис суманф э. Фас пучин хьид ибхьер угъай ушуне. Хабди гIул хъучадигуна фи хьасчин ягIайдава. Амма угъалара ппара хIаттар угъай аве. ГьуркIуна багъар бусттанарин курар арайил акьас вейдава. Арайил акьуна кегъучIуттара баджат гъилиди рукьай аве мишттин вахттари. Ттиан иса, гьалдис хьес агуне магьа кIурарин мехIсулин бегьер гъилиди хIекьдандира рукьасттава. Рекъера михIелдис иджи мертт хьунадава. Ттиан зарар ппара хIа э ме завалин.
Дагъусттандин кIилин шагьурарна хIурара ая хьетти аккедивуна. Ппара зарарна хIатIабур хьуная инсанарин хуларис, шейэрис, мал – къарайис. Амма хье джемеIет зурба йиркIваринф, цIуппе руьхIдиф э. Гьемишттин читинвелар алчархьу вегIдайи джаллабур сад хьуна кумак акьас алучIа мебур. Хъара нуьхIуьбатна хIуьлмат кам дахьурай хье арайиас. Самуз эхIттият акьуна кканде шиникквар хьеттаригьди машинаригьди гьучадавес. ХIа хатIабур, зарар йиная рекъерис. Ме рекъер батIар аркьаттарисра ппара читинди аве. Кьуват йирай хье пешакурарис чиппин вазифа кIили гъас. Хьес йи гьер са пайунил хьин гьелбетта рази э. Миштти ичира, хьучин хьес кканде муфиIетин музе угъалар, алтухъ хIа дава ибхьер. ХатIабур зарар сайисра дагурай. Сагъвелна йиркIварис рехIетара кам дакьурай.
