Дагъусттандиъ СВО-йин ишттаракчибурис пенсибур рехIетти арайил верегъилди акьуная.

РФ-дин Соцфондуни республикайиъ хабар акьугъилди къанунаригI гIачихьу духIубавеларикес ке лазимф хьуне СВО-йин ишттаракчибурин выплатабурихъас. Региондин фондунин отделений, ишттаракчибурил дженгунин майдандил хьу йирхIунарилас асуллу ий сурхьумвел къануни агвар акьугъилди, учи димари автоматически арайил акьасе мебур.

ХIуькуматин пенсин кьайда мебурис сурхьумвелдин группайихъ хъуттурфуна 15,4 агъзур манатилас 26,5 агъзурахъди рукьуна э. Базовый социальный пенсин кьадарихъ хъуттурфуна ме ве 175% — 300%.

БицIи шиникквар, Iуьссе дадна баб хъая специальный военный операцин ветеранарин гьер са иждивенецдис 2,9 агъзур манат хъучархьа. Амма хьибу инсандилас вартт гIачихьас ахттигьар адава.

ЯгIай кканде пенсиди вере яш хьугуна ме ветеранарис Iу пенсира рукьа, сурхьумвелдинфра страховой пенсира. Джалла пенсибурихъ суман мебурин выплатабурихъра гьер исан индексацира хъучархьасе.

КIвал акьасе, СВО-йин ишттаракчибурис мебурин хизанарис акьа кумакилна мебурис ирцIан майилдил уч Сергей Меликов алгъузуна аве. Республикайиъ мебурис арайил акьуная 26-хьи джуьра льготарна социальный кумак. Хье региондиъ кардик кея «Память гор» агъа организация, «Защитники Отечества» агъа фондунин организация, хъара «Все вместе» агъа социальный фондра. Арайил алдея СВО-йин ветеранарисна ишттаракчибурис «Доблесть гор» агъай республикайин программара. СВО-йиди гьеммишан гуманитарный кумакра гьика.

Салихат Малагусейнова