Алттушу хIефттайи хье хIуькуматиъ хьуне бабарин хIаягъ. Гьеме ягъа тIабиIетин сурсатарина экологин министр Ратмир Расулов ушуне аларуцас СВО-йин Азад Сулейманован бабалди.

Министрдихъай адине мин заместитель Саният Билалова хъара Джамирза Дустуевра. Мебури йине Асият Сулеймановайис хIаягъан савкьатарна тукар. «Че джаллабурин паттаас час мубарак акьас кканде ягIайин ягъа СВОйиъ шиникквар ая джалла бабарис. Чвахъай чинна гъам аркьая. Чин гъавурдиъ ая чвас кея дард, гъам, гIезаб фи къати ичин,чве йиркIвар тебурихъай фиштти айчин. Хье ватан ухIай душмандин удигь гъузуная эскерар кIилди сагъ саламатилди адирай», — пуне министрди. Асият Нагметовнайи учин нубатилди чугъсаулдин чIалар пуне министрдис: «Чвас чугъсагъул захъасра зе валадихъасра чин йиркIурал акьубан, час фикир йина майил акьубан. Зас ппара нуш э чахъас гъам акьуб, чин кIвал акьуб». КIвал акьасе, Азад Сулейманов э РДйин Минприродайиъ кар аркьаф. 2022-пе исан сентябрьдин вазала ме файшуне СВОйиди.

Наиба Гасукаева