Сергей Меликов Эскерарин хизанарихъай гьучархьуне. Региондин хIатти Ватан ухIубан рекъуьъ чиппин Iуьмурар йи эскерарин портретарихъ тукара ахъийине мебурин багунттарис такалифара акьуне.
«Че джаллабурин багулихъас чвас ппара баркаллагь тарбия йина ухIуна гьемишттин зурба кIиркIар хIа акьубан, Мебури ватандин удигь чиппин бурдж ирцIан вегIдайи чун агвар акъу сабурлувелдихъас, руьхIдин цIуппевелдихъас. ЯгIайин ягъа, са фиттихъра хъуттудурфуна чве хIа дардна гъамра чве йиркIураъ икIуна цIуппи гъузуна чехъай ахьубахъас, багу — кIиларис ирфарвел акьубахъас. Гьеме пушмалвелдигIас кьуват джиркIенде чун, чве валадарин бегьем дахьу хияларна мурадар, хье игитарис багьа идеттар давам акьас.
Час гьакIанди дава чве Iуьр пай акьас кканди аяф — час кканде багулив фахьас, кумакра аркьай. Хье эскерарикес гьер сад са игит э. Мебурин садпе гьунар э чиппин фикирдилди икьрар хъитIуна, учин Iуьмур гIегвал давай ватан ухIубан рекъуьъ учIуб», — пуне Сергей Меликова. Хабди кIиттарихъас фикир ухIас са дакьикь айи буIуне.
Дагъусттандин хIатти кIвал акьуне Российин Верховный Главнокомандующийдин маслехIетилди идеф ке ппара кумакна майил ирцIанф военнослужащибурисна гебурин хизанарис. Ме майил аркьа федеральный, региональный, муниципальный кьайдабурилди.
Федеральный выплатабурихъасна, льготарихъас ахъакьуне региондин военком Абдурахман Мурадханова, региональныбурихъас — республикайин минтрудин хIатти Магомедзагид Кихасурова. Гьемиштти, дегIвиъ кIи эскерарин хизанарис рукьа выплатабурна льготар э: по потере кормильца агъа пенсибур, махьтабариди, садикариди мебурин шиникквар нубатиъ дагъузуна кьабул акьуб, гIилми хура усариъ ирцIан стипендибур, хурубан, сагъламвелдин, хъара джуре рекъериасра ирцIан квотабур.
Сергей Меликова гьучихьуне муниципалитетарин хIаттарис, СВО-йин ишттаракчибур, гебурин хизанар гьер вазала кьабул аркьай, мебурин тIалабламабурил йиркIв алиянас са ягъ гIаттив пуна. «Инсанарис ягIай кканде нагагь чиппин суал фай ме ягъа ушучин чиппин дарди балайил йиркIв алийина, муниципалитетин хIаф хъучавереф», — пуне региондин хIатти.
Гьемисал димари Дагъусттандин хIатти учигьди гьучади СВО-йин ишттаракчибурин хизанарил йиркIв алийина, мебурин тIалабламабурихъ хъучушубан тапшурмишара акьуне. Сергей Меликов ягъди гьучархьай ве эскерарихъай, гебурин хизанарихъай, мебурин читинвеларис фикир йина учивас аттрукьадегьен майил йис алучIа. Мин указилди РД-йин Правительствойинра Администрацинра структурабуриъ арайил акьуная Отдел по делам ветеранов и участников СВО агъа ус. Мисан пешакурари кумак акьасе мебурин суалар тегIди хIел акьубан рекъуьъ.
Ме мегIракайигI гIай уй «Время героев» агъа федеральный программайин ишттаракчибура — Российин Игитар Темирлан Абуталимов, Энвер Набиев, хъара кавалер трех орденов мужества Магомед Валиховра. Дагъусттандиъ ягIайин ягъас арайил аркьая гьемишттин «Доблесть гор» агъа проектра, Мич заявкабур йиная 1400 СВО-йин ветеранарира ишттаракчибури.
Салихат Малагусейнова
