Каспийск шагьурдиъ хъучучIуне «Знамя Победы» агъа автопробег.
Ме акцин рамкабуриъ ай хьуне знаменной марш, дахъуне Знамя Победы суман хIа пайдагъ, хабди хъучучIуне автобробег.

Фасе «Знамя Победы» агъа акция Дагъусттандис мидегьен лазим идеф?

Фас пучин ме пайдагъ Рейхстагдил гъадивуф хье дагъусттанагьли иде Абдулхаким Исмаилова э. ЯгIа ме пайдагъ хабра эскерарин гъилив фая Российин пайдагъихъай СВОйиъ.
Сергей Меликован фикирдилди арайил акьу акция ахиран исари гIедат хьуна кIили гъая гьер иса: «Ишанар гьер джуьрабур аве, хьес багьа э ме ишанарин мегIна. Ире пайдагъин мегIна хье тарих э, авалдин, гьалдин, хабдин. Ме тарих хье кIилдибуринф э!» «Хьин дамакъ аркьа хье Ватандин гуджлувел, гьававел, зурбавел, векIехIвел алтухъ аркьаттарил, халкьдин ислехIвелна

сакинвел ухIаттарил. Хьес ягIа хьин хIекь идеф! Душман тарг акьасе. Гъалибвел хьеф хьасе! Гъалибвелдин Пайдагъ хье дадари хIададари суман хьинра лап гьавайи гъадивуна гъасе!»
Ме автопробег дахъубан мегlракабур хьуне Пятигорск шагьурдин Комсомольский паркуниъ, мич завал хьуне автопробегин иштаракчибур.
Автопробег адине Новороссийскди, Керчьди, Севастопольди. Сапун-сувадира адине.